O Kgahlilwe Kudu ke go Rereša ga Tšona

MOPROFESARA WA YUNIBESITHI ya Sepania o ile a ngwalela ofisi ya lekala ya Mokgatlo wa Watch Tower ya nageng ya gabo bakeng sa go bontšha tebogo ya gagwe ka Phafoga! O hlalositše gore:

“Ke sa tšwa go amogela dikopi tše pedi tša dimakasine tša lena tša Phafoga! Ke ile ka hwetša gore di swere dihlogo tše di kgahlišago kudu ditabeng tše di fapa-fapanego. Ga ke wele sehlopheng le ge e le sefe sa bodumedi, eupša ke ile ka lemoga kamoo dikgatišo e lego tše di kwalago ka gona. Gape di bea taba ka tsela e botse kudu, gomme di swaragana le ditaba ka pono ya go se hlaole le ya thutamahlale. Ke a le lebogiša bakeng sa boiteko bjo le bo dirago.”

Ka dihlogong tše dintši tša yona, Phafoga! e kgoboketša lelokelelo la bohlatse bjo bo thušago babadi ba yona go dira diphetho tše di theilwego tsebong go tšwa go thutamahlale e fapa-fapanego. Mokgwa o bjalo gape o hwetšwa ka poroutšheng ya matlakala a 32 ya Morero wa Bophelo ke Ofe? O ka o Hwetša Bjang? Ka mohlala, ka tlase ga dihlogwana tše di rego “Na Bophelo bo Thomile ka Kotsi?” le “Selo Seo se Hlamilwego se Swanetše go ba le Mohlami,” bohlatse bjo bo thekgago taba bo neilwe ke ditsebi tšeo di nago le temogo ditabeng tša tša thuta-dinaledi, microbiology le physics.

O ka kgopela poroutšha ye ya Morero wa Bophelo ke Ofe? O ka o Hwetša Bjang?, ka go tlatša setlankana seo se sepelago le sehlogo se le go se romela atereseng e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Nthomeleng kopi ya poroutšha ya Morero wa Bophelo ke Ofe? O ka o Hwetša Bjang? Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele.

[Mothopo wa Seswantšho go letlakala 32]

Galaxy: Courtesy of Anglo-Australian Observatory, photograph by David Malin