Thušo ge Moratiwa a E-hwa

Nywaga e sego kae e fetilego, Dihlatse tša Jehofa di ile tša gatiša poroutšha yeo e ahla-ahlago ditlhohlo tša go lebeletšana le lehu la moratiwa. Morago bjale, kua Federal Republic of Yugoslavia go ile gwa amogelwa lengwalo le le tšwago go mmadi yo a lebogago yo a ngwadilego gore: “Ke rata go le leboga ka pelo ya-ka ka moka bakeng sa poroutšha ya Ge Motho yo o mo Ratago a E-hwa. Ka kgonthe e akaretša taba e nngwe le e nngwe ya mabapi le go lahlegelwa ke moratiwa.”

Mongwadi o hlalositše gore: “Ge ke be ke lahlegelwa ke kgaetšedi ya-ka kotsing ya koloi, poroutšha e ile ya nnea ‘thušo ya kapejana.’ Karolo e rego, ‘Ditšhišinyo tše Dingwe tše di Šomago’ go letlakala 18, e nkhomoditše e le ka kgonthe. Lega go le bjalo, ka morago ga dikgwedi tše nne ke ile ka thoma go kwa bohloko bjo bo tseneletšego kudu gotee le go lewa ke bodutu. Ke ile ka boifa gore bophelo bja-ka bjo bobotse bja monagano bo be bo le kotsing.

“Ke ile ka bala poroutšha ye gape gomme go letlakala 9 lepokising le le rego, ‘Mosepelo wa go Nyama,’ ke ile ka lemoga gore nako ya go tsepama e sepedišana le manyami gotee le go lewa ke bodutu. Ke ile ka homotšega e le ka kgonthe. Ke le leboga bakeng sa kgaugelo ya lena e lerato yeo le e bonagatšago ka poroutšha ye.”

Mohlomongwe wena goba motho yo mongwe yo o mo tsebago le yena a ka hwetša khomotšo ka go bala poroutšha ye ya matlakala a 32. O ka kgopela kopi ka go tlatša le go romela setlankana seo se sepelago le sehlogo se atereseng yeo e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Hle nthomeleng kopi ya poroutšha ya Ge Motho yo o mo Ratago a E-hwa.

Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele.