‘E Tletše ka Dilo tše Bohlokwa’

Ke kamoo molaodi wa lefelo la tlhokomelo ya balwetši bao ba babjago o šoro kua Illinois, U.S.A., a ilego a hlalosa poroutšha ya Ge Motho yo o mo Ratago a E-hwa. Poroutšha ye le makasine wa Phafoga! di ile tša romelwa go yena ke yo mongwe wa Dihlatse tša Jehofa ka baka la ge Hlatse e ile ya re ge e bala Phafoga! yeo ya lemoga gore palo ya batšofadi bao ba ipolayago e be e phagame kudu. Ge molaodi wa lefelo la tlhokomelo ya balwetši bao ba babjago o šoro a be a amogela dipuku tše, o ile a arabela gatee-tee.

Ka morago ga ge molaodi wa lefelo la tlhokomelo ya balwetši a lemogile gore poroutšha ya Ge Motho yo o mo Ratago a E-hwa e tletše ka dilo tše bohlokwa, o ile a ngwala gore: “Nka thabela gore e hwetšwe ke malapa ao a tlago go homotšwa ke mantšu a yona a bohlale bjo bo šomago le ditšhupetšo tša Beibele gotee le ditlhaloso.”

Gatee-tee, Hlatse e ile ya leletša molaodi mogala gomme ya dira dithulaganyo tša go mo etela ka noši. Molaodi o ile a kgopela dikopi tše 20 tša poroutšha gomme a kgopela gore dikopi tše oketšegilego di tlišwe lefelong la go hlokomela balwetši bao ba babjago o šoro dikgweding tše dingwe le tše dingwe tše pedi goba tše tharo.

Mohlomongwe wena goba motho yo mongwe yo o mo tsebago le ka hwetša khomotšo ka go bala poroutšha ye ya matlakala a 32. O ka kgopela kopi ka go tlatša setlankana se se sepedišanago le sehlogo se le go se romela atereseng yeo e bontšhitšwego mo setlankaneng goba atereseng e swanetšego e lokeleditšwego go letlakala 5 la makasine wo.

□ Hle ke tla rata gore le ntlišetše kopi ya poroutšha ya Ge Motho yo o mo Ratago a E-hwa.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.