Mma yo Bohlale

Mma yo bohlale yoo a tshwenyegilego ka dinyakwa tša bana ba gagwe o dira boiteko bjohle bakeng sa go ba nea dijo tše di agago mmele. Ka tsela e swanago, o šoma ka thata le bakeng sa go ba nea dijo tša moya.

Morago bjale, mosadi yo mongwe wa kua Brazil o ile a ngwalela ofisi ya lekala ya Dihlatse tša Jehofa ya nageng yeo a leboga kgatišo ya Ke Eng Seo Modimo a se Nyakago go Rena? O ngwadile gore: “Poroutšha e ile ya nkgoma kudu. Eitše ge ke bala thuto ya mabapi le dilo tšeo Modimo a di hloilego, ka napa ka lemoga gore ke swanetše go boledišana le bana ba-ka ka tsebišo ye ya bohlokwa—e lego banenyana ba babedi ba nywaga ya 10 le 11 gotee le mošemane wa nywaga e 5.” O okeditše ka gore: “Ruri go bohlokwa go ruta ba lapa la-ka ditsela tša Modimo ka kgatišo ya go swana le ye!”

O ile a kgopela gape le dikgatišo tše dingwe tšeo di theilwego Beibeleng. Ge e ba le wena o kganyogela wena gotee le ba lapa la gago dijo tša moya, o ka ikhweletša kopi ya Ke Eng Seo Modimo a se Nyakago go Rena? E fo tlatša setlankana seo se lego ka mo tlase ke moka o se romele atereseng yeo e bontšhitšwego go sona goba o se romele atereseng e swanetšego yeo e lokeleditšwego go letlakala 5 la makasine wo.

□ Hle ntlišetšeng kopi ya poroutšha ya Ke Eng Seo Modimo a se Nyakago go Rena?

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.