‘E Nthuša Gore ke Kgotlelele Tlaišego’

Ke kamoo mmadi yo mongwe yo a tšwago Connecticut, U.S.A., a hlalosago puku ya Batamela Kgaufsi le Jehofa. O boletše gore: “Ke ithuta karolo e nyenyane ya yona letšatši le letšatši. Matšatšing ao kgateletšego e nthatafaletšago le go hema, go e bala ka boripana go nthuša gore ke kgotlelele tlaišego.”

O ile a tšwela pele ka gore: “Seswantšho sa modiši yo bolo seo se lego go letlakala 69 se ile sa nthabiša. Le gona ke ile ka thabela ntlha yeo e lego go letlakala 28, serapa 8, yeo e bolelago ka phihlelo ya Moše a le sethokgweng sa meetlwa se se fsago mo e lego gore ‘gaešita le naga e dikologilego e ile ya ba e kgethwa ka baka la go kgokagana ga yona le Jehofa!’ Ge e ba Jehofa a ka kgona go dira gore gaešita le naga e be e kgethwa, gona mohlomongwe le nna ke tla kaonefala. Kgopolo ye e nthušitše kudu-kudu ka gobane ke gateletšega kgafetša-kgafetša.”

Re dumela gore o tla holega ge e ba o bala puku ye ya letlalo le boleta ya matlakala a 320 ya Batamela Kgaufsi le Jehofa. O ka kgopela kopi ka go tlatša setlankana se se sepedišanago le sehlogo se le go se romela atereseng yeo e bontšhitšwego mo setlankaneng goba atereseng e swanetšego e lokeleditšwego go letlakala 5 la makasine wo.

□ Hle ke tla rata gore le ntlišetše kopi ya puku ya Batamela Kgaufsi le Jehofa.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.