“E Fetotše Bophelo Bja-ka Kudu”

Ke kamoo mošemane wa nywaga e 12 wa kua Virginia, U.S.A., a ngwadilego mabapi le puku e mpsha ya Ithute go Morutiši yo Mogolo. O boletše gore e mo rutile dilo tšeo a bego a sa di tsebe le tšeo a sa kago a kwa ka tšona. O hlalositše gore:

“[Puku ya] Ithute go Morutiši yo Mogolo e nthutile gore ke rate Modimo ka mehla, go bolela ka yena go batho bohle le go bolela le yena ka thapelo. Le gona, e nthutile gore ke kgopele thušo le tšhireletšo go Modimo. Ke ithutile gore motho le ge e le ofe yoo a ratago Modimo gomme a dira seo a se laelago o tla ba Paradeiseng.”

“E fetotše bophelo bja-ka kudu. Ke be ke phela ke bolela maaka, eupša ge ke be ke thoma go bala puku ye, ke ile ka tlogela go bolela maaka. Dilo tšeo ke ithutilego tšona pukung ye di ile tša nnea kganyogo ya go bala dipuku tše dingwe tša go swana le yona. Ka gona ke be ke tla thabela go bala le go tseba mo go oketšegilego ka Modimo.”

Go na le kgonagalo ya gore o tla ikwa ka tsela e swanago ge o bala puku ye e nago le diswantšho tše dibotse ya matlakala a 256 ao a lekanago le makasine wo ka bogolo. Le wena o ka thabela go bala dikgaolo tše bjalo ka “Jesu o re Ruta go Rapela,” “Thuto Mabapi le go ba ba Botho,” “Tsela ya go ba yo a Thabilego” le “Lebaka Leo ka Lona re sa Swanelago go Bolela Maaka.” O ka kgopela kopi ka go tlatša setlankana seo se sepedišanago le sehlogo le go se romela atereseng yeo e bontšhitšwego mo setlankaneng goba atereseng e swanetšego e lokeleditšwego go letlakala 5 la makasine wo.

□ Hle ntlišetšeng kopi ya puku ya Ithute go Morutiši yo Mogolo.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.

[Seswantšho go letlakala 32]

Go ruta thuto mabapi le go bolela maaka