Letšatši le Bohlokwa Kudu Historing

Ke letšatši leo Jesu Kriste a hwilego ka lona. Ke ka baka la’ng go hwa ga Jesu go be go le bohlokwa gakaaka? Ka baka la mabaka a mmalwa.

Go botega ga Jesu go fihla bofelong go hlatsetše gore motho a ka kgona go dula a botegela Modimo.

Lehu la Kriste gape le dirile gore batho ba bangwe bao ba tšwago lefaseng ba be le tokelo ya go ba babuši-gotee le yena legodimong. Go oketša moo, le butše tsela ya gore ba bangwe ba bantši kudu ba thabele bophelo bjo bo sa felego paradeiseng mo lefaseng.

Bošegong bja pele ga ge a tlo hwa, Jesu o dirišitše senkgwa se se sa omelwago le beine e khwibidu e le diswantšhetšo tša sehlabelo sa gagwe seo se bontšhago gore o a re rata. Le gona o ile a botša barutiwa ba gagwe gore: “Dulang le dira se e le go nkgopola.” (Luka 22:19) Na o tla gopola tiragalo ye e bohlokwa?

Dihlatse tša Jehofa di go laletša ka borutho gore o be le tšona Segopotšong sa lehu la Jesu. Lenyaga letšatši la Segopotšo le ka Laboraro, April 12, ka morago ga ge letšatši le sobetše. O ka ba gona Holong ya Mmušo yeo e lego kgaufsi le moo o dulago gona. Hle botšiša Dihlatse tša Jehofa tša lefelong la geno mabapi le nako le lefelo le swanetšego.