Go Thuša go Šireletša Bana ba Rena

Ngwageng wa go feta mosadi yo mongwe kua Virginia, U.S.A., o ngwadile e le ge a leboga puku ya Ithute go Morutiši yo Mogolo gore: “Pele ditlogolo tša-ka di ya go robala di re: ‘Koko, re balele kanegelo go tšwa pukung ya Jesu.’ Nywaga ya bona ke e 4, 6 le 7, gomme ba thabela go bala dikanegelo tše kudu.”

Makgolo wa bona o hlalosa gore: “Ke badile kgaolo 32 ye e nago le sehlogo se se rego, ‘Kamoo Jesu a Ilego a Šireletšwa ka Gona.’ Ke be ke kgahlegile kudu ka gobane ka morago ga go bala ka seo Jehofa a se dirilego go šireletša Jesu, thuto ye e thušitše bana ka go ba nea keletšo e šomago gore ba itšhireletše. E re: ‘Ge e ba motho yo mongwe a leka go dira se, bolela ka go tia ka lentšu leo le hlabošago gore: “Ntlogele! Ke ya go go tlalea!”’”

Kua Mexico, mmago ngwanenyana wa nywaga e mehlano yo a bitšwago Betsaida o re o be a bala puku ya Morutiši le morwedi wa gagwe ka lekga la bobedi. Mma yo o boletše gore: “Lefase le tšwela pele le goboga ka mo go oketšegilego, gomme bana ba rena ba lebeletšana le dikgateletšo tše di oketšegilego. Morwedi wa-ka o re o leboga tlhahlo ya kamoo a ka itšhireletšago ka gona ditutuetšong tše di sa lokago, go swana le tšeo di bolelwago go kgaolo 32.”

Puku ye e botse ye e nago le diswantšho ya matlakala a 256, a bogolo bja go lekana le a makasine wo, e itlhatsetše e šoma go thušeng batswadi go latela taelo ya Beibele ya go tlwaetša bana ba bona. (Diema 22:6) Dithuto tšeo di theilwego dithutong tša Jesu Kriste, di ngwadilwe ka polelo e kwešišegago gabonolo, lega go le bjalo, taba e bolelwago ke ya batho ba nywaga ka moka. O ka kgopela kopi ka go tlatša setlankana se se lego ka mo tlase gomme o se romele atereseng yeo e bontšhitšwego mo setlankaneng goba atereseng e swanetšego e lokeleditšwego go letlakala 5 la makasine wo.

□ Hle ke tla rata gore le ntlišetše kopi ya puku ya Ithute go Morutiši yo Mogolo.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.