O e Rata go Feta Dibapadišwa le ge e le Dife

Na bana ba banyenyane ba ka rata go bala puku go e na le go bapala ka dibapadišwa? Go ka ba bjalo e le ka kgonthe ge e ba batswadi ba ba tlwaetša dipuku go tloga boseeng. Mebrahdtu le Angela, banyalani bao ba dulago kua California, U.S.A., ba ile ba thoma go balela morwedi wa bona puku ya Ithute go Morutiši yo Mogolo go tloga ge ba e-tla le yena gae ba e-tšwa sepetlele.

Batswadi ba ba ngwadile gore: “Ka baka leo, o rata puku ya Morutiši. Ge a be a e-na le dikgwedi tše 12 feela, o ile a thoma go re botša gore o nyaka gore re mmalele seo a bego a se bitša puku ya Jesu. Ga bjale Julianna o na le nywaga e meraro gomme o fagahlela dinako tšeo ka tšona a iketlago le mmagwe le tatagwe letšatši le lengwe le le lengwe. Ga re feteletše ditaba ge re re morwedi wa rena o rata puku ye go feta dibapadišwa le ge e le dife tše dingwe. Diswantšho le dipapišo tša yona ka botšona ke didirišwa tše holago kudu tša go ruta. Le rena bjalo ka batswadi ba gagwe, re ithuta mo gontši.”

O ka ikgopelela kopi ya puku ye e nago le diswantšho tše dibotse ya matlakala a 256, yeo e nago le matlakala a lekanago le a makasine wo ka bogolo. Tlatša setlankana seo se sepedišanago le sehlogo se gomme o se romele atereseng yeo e bontšhitšwego goba atereseng e swanetšego yeo e lokeleditšwego go letlakala 5 la makasine wo.

❑ Ka ntle le go itlama, hle ntlišetšeng kopi ya puku e bontšhitšwego mo.

Bontšha gore ka leleme lefe.

❑ Hle ikopanyeng le nna mabapi le thuto e sa lefelelwego ya legae ya Beibele.