Bokamoso Bjoo o ka bo Botago!
Bokamoso Bjoo o ka bo Botago!
O fihlile magahlanong a ditsela. Leswao le lengwe la tsela le re, “Bota batho le dikholofetšo tša bona.” Le lengwe le re, “Bota Modimo le Mmušo wa gagwe.” Ke tsela efe yeo o tlago go e kgetha?
TSELA e bohlale ke go bota Modimo. O re: “Xe e le eo a kwaxo nna, ó tlo dula a iketla, ó ikaxêla à sa šie kotsi.” (Diema 1:33) Re theetša Mmopi wa rena ka go kwa dithuto tšeo di lego ka Beibeleng, ka ge re tseba gore di a botega. (2 Timotheo 3:16) Na go na le mabaka a go dira bjalo? Ee! Ka mohlala, bjalo ka ge re bone sehlogong se sengwe lelokelelong le la dihlogo, ke Beibele feela yeo e hlalosago lebaka leo ka lona batho ba sa kgonego go ipuša ka katlego. Na ga o dumele gore seo Beibele e se bolelago se dumelelana le ditherešo tšeo?
Go nepagala mo go swanago go bonagala gape boporofeteng bja Beibele. Ka mohlala, Beibele e boletše e sa le pele ka maemo a boifišago ao a swayago ‘mehla ya gona bjale ya bofelo.’ Re kgona go bona maemo a lehono. (Mateo 24:3-7; 2 Timotheo 3:1-5) Le gona, Beibele e boletše e sa le pele gore batho ba be ba tla bea boemo bja polanete ya rena kotsing. Kutollo 11:18 e re Modimo o tla “senya bao ba senyago lefase.”
Ge mantšu ao a be a ngwalwa mo e ka bago nywageng e 2 000 e fetilego, dilo tše bjalo ka go šilafatšwa ga moya, lewatle le naga; go phagama ga * (Tito 1:2; Baheberu 6:18) Ge e le gabotse, Modimo o itlama ka leina la gagwe go seo a se bolelago.
tekanyo ya phišo ya lefase; le go fedišwa ka mo go feletšego ga diphedi mo go bakwago ke batho go be go sa naganwe gore di ka tsoga di diregile. Eupša dilo tše di a direga lehono! Ee, Modimo ga a aketše. Ka mehla Lentšu la gagwe le phethagatšwa ka botlalo.Leina Leo o ka le Botago!
Go etša ge mosaeno o dira gore tšheke e šome, leina la Modimo—Jehofa—le kgonthišetša dikholofetšo ka moka tšeo di ngwadilwego ka Beibeleng. * Mongwadi yo mongwe wa Beibele yo gantši a ilego a bona tlhokomelo e lerato ya Modimo o itše: “’Ina le lekxêthwa l’axwe re botile lôna.”—Psalme 33:21; 34:4, 6.
Ge e kgokaganya leina la Modimo le tlhokomelo ya gagwe bjalo ka tate, Diema 18:10 e re: “’Ina la Morêna ké sebô se sethata; moloki ó thšabêla xôna a pholoxa.” Ka mo go swanago, Baroma 10:13 e re: “Mang le mang yo a bitšago leina la Jehofa o tla phološwa.” Ke therešo gore leina la Modimo ga se pheko yeo e re šireletšago bobeng. Go e na le moo, ke Modimo ka noši yo a re hlakodišago gomme bao ba bitšago leina la gagwe go etša ge temana ye e bontšha ba dira bjalo ka gobane ba mmota ka mo go feletšego, ba tseba gabotse gore ga a palelwe ke selo. Psalme 91:14 e re: “Ke tlo mo phološa ka xobane a nkxomaretše. Ke tlo mo khutiša xobane ó tseba ’ina la-ka.”
Ipotšiše: ‘Ke botile mang—Modimo goba batho?’ Dihlatse tša Jehofa di dirile kgetho ya go bota Modimo le Mmušo wa gagwe, e sego feela ka gobane di nyaka go dumela se goba ka gobane e le bo-madumela-tšohle, eupša ka gobane di e-na le tumelo e tiilego yeo e theilwego tsebong e nepagetšego ya Beibele. (Baheberu 11:1; 1 Johane 4:1) Ka baka leo, ga di boife bokamoso eupša ‘di thaba kholofelong’ yeo e beilwego ka pele ga tšona. Di go laletša gore le wena o thabele bokamoso bjo bjalo bjo bo kgahlišago.—Baroma 12:12.
[Mengwalo ya tlase]
^ ser. 5 Bona tokollo ya January–March 2008 ya makasine wo, yeo e nago le dihlogo tšeo di ahla-ahlago Beibele.
^ ser. 7 Bona lepokisi le le rego “Ke Leina e Bile ke Kgonthišetšo.”
[Ntlhakgolo go letlakala 18]
Go etša ge mosaeno o dira gore tšheke e šome, leina la Modimo le kgonthišetša dikholofetšo ka moka tšeo di ngwadilwego ka Beibeleng
[Lepokisi go letlakala 18]
KE LEINA E BILE KE KGONTHIŠETŠO
LEINA la Modimo, Jehofa, ga e fo ba lentšu leo le mo hlaolago. * Go bjalo bjang? Leina leo le bolela “Yo a Bakago go ba Gona.” Ge re hlalosa taba ka tsela e bonolo, Modimo o na le lerato, matla le bohlale bjo bo nyakegago e le gore a fetoge selo le ge e le sefe seo a nyakago go ba sona e le gore a phethagatše morero wa gagwe le lentšu la gagwe. Ka mohlala, a ka fetoga Mophološi wa ba lokilego, Mofediši wa ba kgopo, Mokwi wa dithapelo goba Tate yo lerato—selo le ge e le sefe seo a kgethago go ba sona.
Jehofa o re: “Modimo [ke] Nna, . . . Ké Nna ke kwaditšexo tša mafêlô mola di sa thôma, . . . Ké Nna ke boletšexo ka re: Se ke se rerilexo xa se šuthe; ke dira tšohle tše ke di rataxo.” (Jesaya 46:9, 10) Ka ge Modimo ka mehla a botegela seo a rerago go se dira e bile leina la gagwe goba botumo bja gagwe bo akaretšwa, Lentšu la gagwe le tla phethagala e le ka kgonthe. “Modimo xa se motho ’a kaxo aketša.”—Numeri 23:19.
[Mongwalo wa tlase]
^ ser. 17 Leina Jehofa le fapane le direto Yo Matla ohle, Mmopi, Modimo le Morena. Le tšwelela mo e ka bago ka makga a dikete tše šupa tabeng ya mathomo e ngwadilwego ka Beibeleng e Kgethwa. Modimo o itheile leina leo. Ekisodo 3:15 e re “Jehofa . . . ke leina la-ka ka mo go sa felego.”—American Standard Version.