“E Kgahliša e le Ruri!”

▪ Ke kamoo molaodi wa nyakišišo ya lenyalo a hlalositšego puku ya Sephiri sa Lethabo la Lapa. Banyalani bao ba bego ba tšere karolo nyakišišong yeo ba ile ba mo nea kopi ya puku yeo gomme ba hlalosa gore go ithuta yona go ba thušitše go itokišeletša lenyalo.

Molaodi wa nyakišišo yeo o ile a ngwala lengwalo la go leboga banyalani bao bakeng sa “mpho e kgahlišago” yeo ba bego ba mo rometše yona. Ke moka, o ile a hlalosa kholofelo ya gagwe ya gore banyalani ba bangwe ba swanago le bona ba rute ba bangwe “seo se nyakegago e le gore ba dire gore manyalo e be a tiilego le a thabilego.” O be a kgodišegile gore dikgatišo tše bjalo ka Sephiri sa Lethabo la Lapa di tla thuša banyalani go lebeletšana le mathata ao a ka tšwelelago. Molaodi woo o ile a bolela gore banyalani ba ba thušwa ke tumelo e matla le go ithekga ka Modimo.

O ile a hlalosa gore o beile puku ye tafoleng ya gagwe mošomong gomme o e bontšha barutwana ge ba nyaka keletšo ya lenyalo. O phethile ka gore: “Ke be ke se ka ka ka bona puku ye le ka mohla, e kgahliša e le ruri!”

Puku ya Sephiri sa Lethabo la Lapa e thušitše banyalani ba dikete go dikologa lefase. Le wena e ka go thuša gore o diriše melao ya motheo ya Beibele yeo e ka dirago gore bophelo bja lapa la gago e be bjo thabišago kudu.

O ka kgopela kopi ya puku ye ya matlakala a 192 ka go fo tlatša setlankana se se lego ka mo tlase gomme o se romele atereseng yeo e bonthitšwego mo setlankaneng goba atereseng e swantšego e lokeleditšwego go letlakala 5 la makasine wo.

□ Hle ke tla rata gore le ntlišetše kopi ya puku yeo e bontšhitšwego mo.

□ Hle ikopanyeng le nna mabapi le thuto e sa lefelelwego ya legae ya Beibele.