“O ka Phologa Bjang Bofelo bja Lefase?”

▪ Beibele e ra gore’ng ge e bolela ka bofelo bja lefase, goba bja tshepedišo ya gona bjale ya dilo? Na e bolela ka ntwa ya lefase ka moka ya nuclear yeo e tlago go fediša batho ka moka? Goba na e bolela ka tiragalo ya tlhago, e bjalo ka go thulana ga lefase le seka-naledi? Seo se tsošago kgahlego ke gore Beibele e re “lešaba le legolo” la batho le tla phologa bofelo bja lefase. (Kutollo 7:9, 10, 14) Batho bao e tla ba bomang? Na o ka ba yo mongwe wa bona?

Dipotšišo tšeo tše bohlokwa di tla arabja polelong ya phatlalatša e rego “O ka Phologa Bjang Bofelo bja Lefase?” E tla newa dikopanong tša selete tša “DULANG LE PHAKGAME!” tša Dihlatse tša Jehofa, tšeo di thomago ka May kua United States gomme tša tšwela pele lefaseng ka bophara. O laletšwa ka borutho gore o be gona kopanong ya kgaufsi le ga geno. Ikgokaganye le Dihlatse tša Jehofa tša lefelong la geno, goba o ngwalele bagatiši ba makasine wo.