Ga se ba Banyenyane Kudu

● Seo ke se se ngwadilwego ke mma yo mongwe yo a tšwago California, U.S.A., mabapi le taba yeo e ahlaahlwago ka pukung ya Ithute go Morutiši yo Mogolo. O hlalositše gore: “Bekeng e sa tšwago go feta ge morwa wa rena Javan wa nywaga e meraro a be a ile go bona ngaka ya gagwe ya bana, ngaka e ile ya botšiša ge e ba nna le monna wa ka re ahaahlile le Javan taba ya tšhireletšego mabapi le ditho tša mmele tše di utwago. Ke ile ka thabela go mmotša ka puku ya Morutiši, yeo e hlalosago gore e be e tla ba mo go fošatšego gore motho yo mongwe a bapale ka ditho tša motho tše di utwago. Ngaka e ile ya kgahlwa kudu ke gore re ahlaahlile taba ye.”

Mma yo o ile a oketša ka gore: “Tsela yeo dilo tše di hlaloswago ka yona ka pukung yeo ke e botse kudu.” Kgaolo yeo a bego a bolela ka yona e na le sehlogo se se rego, “Kamoo Jesu a Ilego a Šireletšwa ka Gona.” E hlalosa kamoo Tatago Jesu wa Legodimong a ilego a šireletša Morwa wa gagwe gore a se ke a gobatšwa ke Kgoši Heroda nakong ya ge Jesu e be e sa le yo monyenyane kudu go ka itšhireletša. (Matheo 2:7-23) Ke moka puku yeo e bontšha kamoo bana ba banyenyane ba ka rutwago ka gona go itšhireletša ge motho yo mongwe a leka go ba goboša.

O ka ikgopelela kopi ya puku ye e nago le diswantšho tše dibotse ya matlakala a 256, yeo e nago le matlakala a lekanago le a makasine wo ka bogolo. Tlatša setlankana seo se sepedišanago le sehlogo se gomme o se romele atereseng yeo e bontšhitšwego goba atereseng e swanetšego yeo e lokeleditšwego go letlakala 5 la makasine wo.

□ Ka ntle le go itlama, hle ntlišetšeng kopi ya puku e bontšhitšwego mo.

□ Hle ikopanyeng le nna mabapi le thuto e sa lefelelwego ya legae ya Beibele.