Ge ba Dutše ba Gola

“Re be re thabela go bala Puku Ya-ka ya Ditaba tša Beibele ge re be re sa le bana. Ga bjale re na le morwa yo a nago le dikgwedi tše 16, leina la gagwe ke Joshua. Puku ye ke sedirišwa se sebotse kudu seo re mo rutago ka sona. Gaešita le ge e sa le yo monyenyane, Joshua o kgona go bitša bonyenyane maina a 35 a bakgathatema ba ka Beibeleng ao a tšwelelago ka pukung yeo. O dula a a gopola.”—Timothy le Ann.

“Morwa wa ka yo monyenyane o rata go phutholla puku ya Ithute go Morutiši yo Mogolo, e bile o šetše a tseba diswantšho tše dintši tšeo di lego ka go yona. E nthušitše go mmontšha kamoo a ka fenyago mathata sekolong le mafelong a mangwe. Ke mpho ya bohlokwahlokwa!”—Jennifer.

“Puku ya Questions Young People Ask—Answers That Work, Volume 2, e ahlaahla karolo e nngwe le e nngwe ya bophelo bja bafsa. Ke na le nywaga e 19. Puku ye e nthušitše gore ke ipeele dipakane, go dira diphetho tše bohlale ditabeng tša go ratana le go matlafatša tswalano ya ka le Modimo. Ke kgothaletša yo mongwe le yo mongwe gore a bale puku ye go sa šetšwe gore ke yo mogolo goba yo monyenyane.”—Courtney.

□ Puku Ya-ka ya Ditaba tša Beibele

□ Ithute go Morutiši yo Mogolo

□ Questions Young People Ask—Answers That Work, Volume 2

□ Ka ntle le go itlama, hle ntlišetšeng kopi ya puku goba dipuku tšeo ke di kgethilego. O ka romela setlankana se o diriša aterese e swanetšego yeo e bontšhitšwego go letlakala 5 la makasine wo.

□ Hle ikopanyeng le nna mabapi le thuto e sa lefelelwego ya legae ya Beibele.