Bakeng sa go Boeletšwa ke Lapa

Phapano ke Efe?

Na o ka kgona go bona dilo tše tharo tšeo di fapanago magareng ga seswantšho A le seswantšho B? Ngwala dikarabo tša gago methalading ye e lego ka mo tlase gomme o feleletše diswantšho ka go di tsenya mebala.

GO GO THUŠA GO HWETŠA KARABO: Bala Ekisodo 25:23, 30, 31, 37; 30:1-7; Lefitiko 24:5, 6.

1. ․․․․․

2. ․․․․․

3. ․․․․․

4. Ke seswantšho sefe se se nepagetšego, na ke seswantšho A goba seswantšho B?

BAKENG SA POLEDIŠANO:

Ke’ng seo baperisita ba bego ba swanetše go se dira pele ba ka hlankela ka taberenakeleng?

GO GO THUŠA GO HWETŠA KARABO: Bala Ekisodo 30:17-21.

Ge e ba o nyaka go kgahla batswadi ba gago le Jehofa, go dula o hlwekile go bohlokwa gakaaka’ng? Go tlaleletša bohlweking bja mmele, o ka hlweka kae gape?

GO GO THUŠA GO HWETŠA KARABO: Bala 1 Bakorinthe 6:9-11; 2 Bakorinthe 7:1.

MODIRO WA LAPA:

Dira gore setho se sengwe le se sengwe sa lapa se nyakišiše ditaba mabapi le “Lefelo le Lekgethwa” la taberenakeleng. (Baheberu 9:2) Ke moka kopanang gomme le boledišane ka ntlha e nngwe e mpsha yeo le ithutilego yona.

GO GO THUŠA GO HWETŠA KARABO: Bala Psalme 119:105; 141:2; Mateo 4:4; Johane 4:34; Kutollo 8:4.

 Di Kgoboketše Gomme o Ithute

E sege, e phuthe gomme o e boloke

KARATA YA BEIBELE 9 JEREMIA

DIPOTŠIŠO

A. Ke dipuku dife tše nne tša Beibele tšeo Jehofa a dirišitšego Jeremia go di ngwala?

B. Na ke therešo goba maaka? Jeremia o ile a dula a se lenyalong.

C. Feleletša mantšu a Jeremia a rego: “Pelong ya ka [lentšu la Modimo la] ba bjalo ka ge eka . . . ”

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

650 B.C.E. ya Beibele e a ngwalwa

[Mmapa]

O be a dula Jerusalema. O tšere leeto la go ya Nokeng ya Eforate le Egipita—Jeremia 13:1-9; 43:8-13

Jerusalema

Eforate

EGIPITA

JEREMIA

KANEGELO YA BOPHELO BJA GAGWE

O kgethilwe pele a ka belegwa gore e be moporofeta. (Jeremia 1:1-5) Jeremia o hlanketše Modimo ka potego ka nywaga e fetago e 65. Le ge Jeremia a be a ikwa a se na phihlelo e bile a boifa go bolela, Jehofa o ile a mmotša gore: “O se ke wa boifa . . . , gobane ‘ke na le wena gore ke go hlakodiše.’”—Jeremia

DIKARABO

A. Dikgoši tša Pele le tša Bobedi, Jeremia le Dillo tša Jeremia.

B. Therešo.—Jeremia 16:1-4.

C. “. . . ke mollo o fišago wo o tswaleletšwego marapong a ka.”—Jeremia 20:9.

KARATA YA BEIBELE 10 SOLOMONE

DIPOTŠIŠO

A. Solomone ga se a ka a rapelela gore a be le mahumo goba gore a okeletšwe nywaga ya bophelo, eupša o ile a rapelela’ng?

B. Tlatša dikgoba tše. Solomone o be a kgona go bolela diema tše ․․․․․, gomme dikopelo tša gagwe ya ba tše ․․․․․.

C. Solomone o ile a newa leina lefe le lengwe?

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka 1000 B.C.E. ya Beibele e a ngwalwa

[Mmapa]

Kgošigadi ya kua Sheba e tšere leeto la dikhilomithara tše 2 400 gore e yo kwa bohlale bja Solomone

SHEBA

Jerusalema

SOLOMONE

KANEGELO YA BOPHELO BJA GAGWE

Ke morwa wa bobedi wa Dafida le Batseba. Solomone o bušitše Isiraele ka nywaga e 40. O agile ntlo e kgolo gore Jehofa a rapelwe go yona. (1 Dikgoši 5:2-5) Jehofa o dirišitše Solomone go ngwala puku ya Diema, ya Mmoledi le ya Sefela sa Difela. Go ba le ditlwaelano tše mpe le basadi ba šele go ile gwa mo aroganya le Jehofa.—1 Dikgoši 11:1-6.

DIKARABO

A. Pelo yeo e kwago.—1 Dikgoši 3:5-14.

B. 3,000, 1,005.​—1 Dikgoši 4:29, 32.

C. Jedidia, yeo e rago gore: “Yo a Ratwago ke Jehofa.”​—2 Samuele 12:24, 25.

KARATA YA BEIBELE 11 JOSEFA

DIPOTŠIŠO

A. Tlatša dikgoba tše. Bomorwarrago Josefa ka motswadi o tee ba be ba mmitša “․․․․․yola” gomme ba mo rekišetša bokgobeng ka ditsekana tše ․․․․․ tša silifera.

B. Ge mosadi wa Potifara a be a mo gapeletša go ba le dikopano tša botona le botshadi le yena, Josefa o ile a araba a kgwahlišitše ka ganong a re: “Nka dira bjang bobe bjo bjo bogolo gakaakaa gomme . . .”

C. Ke ka baka la’ng Farao a ile a dira gore Josefa e be mmuši yo a lego maemong a bobedi kua Egipita?

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo ya

bago ka bo-1700 B.C.E. Beibele e a ngwalwa

[Mmapa]

O tlošitšwe Dothane gomme a išwa Egipita

Dothane

EGIPITA

JOSEFA

KANEGELO YA BOPHELO BJA GAGWE

Morwa wa mathomo wa Jakobo le Ragele. (Genesi 35:24) Bomorwarragwe ka motswadi o tee ba mo rekišeditše bokgobeng kua Egipita, moo a feditšego ngwaga e ka bago e 13 e le lekgoba goba mogolegwa. Go e na le go itefeletša, Josefa o ile a lebalela bomorwarragwe ge ba be ba itshola. (Genesi 50:15-21) Le ge a be a le kgole le gae, o be a hlompha Jehofa gomme a dula a hlwekile, a šoma ka thata e bile a botega.—Genesi 39:1-23.

DIKARABO

A. Molori, 20.​—Genesi 37:19, 28.

B. “. . . ka direla Modimo sebe?”​—Genesi 39:9.

C. O be a tseba gore moya wa Modimo o dirile gore Josefa a be bohlale gomme a be le temogo.—Genesi 41:38-41.

KARATA YA BEIBELE 12 JESAYA

DIPOTŠIŠO

A. Ke mang yo a ilego a sepela le Jesaya ge ba be ba iša molaetša go Kgoši Ahasi?

B. Jesaya o ile a araba ka gore’ng ge Jehofa a be a botšiša gore: “Ke tla roma mang?”

C. Jesaya o boletše e sa le pele gore: “Lefase le tla tlala . . . ”

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo ya

bago ka bo-700 B.C.E. Beibele e a ngwalwa

[Mmapa]

O be a dula Jerusalema

Jerusalema

JESAYA

KANEGELO YA BOPHELO BJA GAGWE

Moporofeta yo a botegago, yo a dirilego gore lapa la gagwe le swarege kudu ka modiro wa go rapela Modimo. O beetše lapa la gagwe mohlala o mobotse ka tsela yeo a bego a phetha bodiredi bja gagwe ka yona. Mosadi wa gagwe o be a bitšwa “moporofeta wa mosadi.” (Jesaya 7:3; 8:3, 18) Jesaya o hlanketše Modimo ka nywaga e ka bago e 46. Leina la gagwe le ra gore “Phološo ya Jehofa.”

DIKARABO

A. Morwa wa gagwe, Sheara-jashubu.—Jesaya 7:3.

B. “Ke nna yo! Roma nna.”—Jesaya 6:8.

C. “. . . tsebo ya Jehofa.”—Jesaya 11:9.

● Dikarabo tša “BAKENG SA GO BOELETŠWA KE LAPA” di go letlakala 12