Bohlale bja Kgoši Solomone

● Morutišigadi o ile a botšiša barutwana ba mphato wa bobedi gore ke eng seo ba se tsebago ka Kgoši Solomone yoo go bolelwago ka yena ka Beibeleng. Sheena wa nywaga e senyane o ile a re e be e le kgoši e bohlale kudu gomme a hlalosa kamoo a ilego a rarolla ngangišano magareng ga basadi ba babedi bao ba bego ba lwela ngwana. Mathomong, bao ba tsenago le yena ka klaseng ba be ba makaditšwe ke tsela yeo Solomone a ilego a rarolla bothata bjo eupša morutišigadi yo o ile a re e be e le tsela e botse.

Sheena o hlalositše gore o ithutile ka taba ye ge a be a bala Puku Ya-ka ya Ditaba tša Beibele, e lego puku yeo e akaretšago kanegelo ya mabapi le bohlale bja Solomone. Sheena o hlalositše gore: “Bao ke tsenago le bona ka klaseng ba ile ba re ba ka rata go ba le puku ya Ditaba tša Beibele,” gomme a oketša ka gore: “Morutišigadi le yena o ile a e kgopela. Ka gona, ke ile ka sepediša dikopi tše šupago.”

O ka kgopela kopi ya Puku Ya-ka ya Ditaba tša Beibele, yeo e nago le dikanegelo tše 116 tšeo di bolelago ka batho le ditiragalo tša ka Beibeleng. Gore o hwetše kopi, e fo tlatša setlankana se se lego ka mo tlase gomme o se romele atereseng e swanetšego yeo e lokeleditšwego go letlakala 5 la makasine wo.

□ Ka ntle le go itlama, hle ntlišetšeng kopi ya puku yeo e bontšhitšwego mo.

□ Hle ikopanyeng le nna mabapi le thuto e sa lefelelwego ya legae ya Beibele.