Bakeng sa go Boeletšwa ke Lapa

Ke’ng se se Fošagetšego ka Seswantšho se?

Bala Johane 2:13-17. Ke dilo dife tše nne tše di sa nepagalago seswantšhong se? Ngwala dikarabo tša gago methalading ye e lego ka mo tlase gomme o feleletše seswantšho se ka go se tsenya mebala.

1. ․․․․․

2. ․․․․․

3. ․․․․․

4. ․․․․․

BAKENG SA POLEDIŠANO:

Ke ka baka la’ng Jesu a ile a raka banna ba ka tempeleng?

GO GO THUŠA GO HWETŠA KARABO: Bala Mareka 11:17.

Ke ka baka la’ng e be e le phošo gore ba reke le go rekišetša ka tempeleng?

GO GO THUŠA GO HWETŠA KARABO: Bala 2 Bakorinthe 2:17.

Re swanetše go hlankela Jehofa ka maikemišetšo afe e le gore re mo thabiše?

GO GO THUŠA GO HWETŠA KARABO: Bala Mateo 22:36-40; 1 Petro 5:2.

MODIRO WA LAPA:

Tšea letlakala o ngwale goba o thale seswantšho sa modiro wo o bego o ka o dira wo o bontšhago gore o rata Jehofa le ba bangwe ka tsela e se nago boithati. Šupetša lapa leno letlakala leo gomme le iphe nako yeo bohle le ka dirago modiro woo le le gotee.

 Di Kgoboketše Gomme o Ithute

E sege, e phuthe gomme o e boloke

KARATA YA BEIBELE 15 DAFIDA

DIPOTŠIŠO

A. Dafida le Jesu ba belegetšwe motseng ofe?

B. Ge Dafida e be e sa le mošemanyana, e be e le ․․․․․ yo a bilego le sebete sa go bolaya ․․․․․ le ․․․․․

C. Feleletša mantšu a Dafida a rego: “Wena Solomone morwa wa ka, tseba . . . ”

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka 1000 B.C.E. ya Beibele e a ngwalwa

[Mmapa]

O tlogile Betlelehema a hudugela Jerusalema

Betlelehema

Jerusalema

O lwele le Goliata moeding wa Elaa.—1 Samuele 17:2

Moedi wa Elaa

DAFIDA

KANEGELO YA BOPHELO BJA GAGWE

Morwa wa Jese yoo gape e bilego Kgoši ya bobedi ya Isiraele. Dafida yo e lego sereti sa sekgwari le setsebi sa mmino o ngwadile dipsalme tše di fetago tše 73. Ka boikokobetšo o ile a tsoma tlhahlo ya Jehofa bophelong bja gagwe. (1 Samuele 23:2; 30:8; 2 Samuele 2:1) Jehofa o itše Dafida ke “monna yo a kwanago le pelo ya ka.”—Ditiro 13:22.

DIKARABO

A. Betlelehema (ya Judea).—Johane 7:42.

B. modiši, tau, bere.—1 Samuele 17:34, 35; Psalme 78:70, 71.

C. “. . . Modimo wa tatago gomme o mo hlankele ka pelo e feletšego.”—1 Dikoronika 28:9.

KARATA YA BEIBELE 16 TIMOTHEO

DIPOTŠIŠO

A. Tlatša dikgoba tše. Mmago Timotheo e lego ․․․․․, le makgolo’agwe e lego ․․․․․ ba mo rutile “mangwalo a makgethwa” go tloga ․․․․․.

B. Timotheo yo monyenyane o ile a amogela taletšo efe e kgethegilego?

C. Ge Paulo a bolela ka Timotheo, o itše: “O ile a hlankela le nna go tšwetšeng pele ditaba tše dibotse go swana le . . .”

[Tšhate]

4026 B.C.E. 1 C.E. 98 C.E.

Adama o a bopša O phetše lekgolong Puku ya mafelelo

la pele la nywaga C.E. ya Beibele e a ngwalwa

[Mmapa]

O be a dula Lisitara eupša le bana babo rena ba kua Ikonia ba be ba mmolela gabotse

Lisitara

Ikonia

Jerusalema

TIMOTHEO

KANEGELO YA BOPHELO BJA GAGWE

Le ge tatagwe e be e se modumedi, “go ba botegago [o bile] mohlala go boleleng, boitshwarong, leratong, tumelong le tshekegong.” (1 Timotheo 4:12) O dirišitše keletšo ya Beibele e rego: “Itlwaetše gomme pakane ya gago e be go bontšha boineelo go Modimo.” (1 Timotheo 4:7) Timotheo o feditše nywaga e ka bago e 15 a thuša moapostola Paulo.

DIKARABO

A. Yunise, Loisa, boseeng.—2 Timotheo 1:5; 3:14, 15.

B. Go tšea maeto le moapostola Paulo le go hlankela le yena.—Ditiro 16:1-5.

C. “. . . ngwana a na le tatagwe.”—Bafilipi 2:22.

 KARATA YA BEIBELE 17 JONA

DIPOTŠIŠO

A. Jona o ile a rongwa gore a yo dira boboledi motseng wa ․․․․․, mo go bego go na le ․․․․․ badudi ba fetago.

B. Le ge Jona a ile a thoma ka go tšhabela kabelo ya gagwe, ke selo sefe sa go bontšha sebete seo a se dirilego gore a phološe ba bangwe?

C. Feleletša mantšu a a Beibele: “Jona a ba ka mpeng ya hlapi . . .”

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka840 B.C.E. ya Beibele e a ngwalwa

[Mmapa]

O tlogile Gathe-hefere a tšhabela Tarashishi

Gathe-hefere

TARASHISHI

Ninife

JONA

KANEGELO YA BOPHELO BJA GAGWE

Moporofeta wa Jehofa yo a hlanketšego nakong ya pušo ya Kgoši Jeroboama II. (2 Dikgoši 14:23-25) Jehofa o rutile Jona gore a se ke a tshwenyega kudu ka yena mong eupša a tshwenyege ka dinyakwa tša ba bangwe. (Jona 4:6-11) Phihlelo ya Jona e re ruta gore ruri Jehofa ga a fele pelo, o a gaugela e bile ke yo botho go batho ba sebe.

DIKARABO

A. Ninife, 120 000.—Jona 1:1, 2; 4:11.

B. O ile a botša basesiši ba sekepe gore ba mo lahlele lewatleng gore le ba okobalele.—Jona 1:3, 9-16.

C. “ . . . ka matšatši a mararo le mašego a mararo.”—Jona 1:17.

KARATA YA BEIBELE 18 JOSIA

DIPOTŠIŠO

A. osia e bile kgoši ge a be a na le nywaga e ․․․․․ gomme o bušitše ka nywaga e ․․․․․.

B. Ke baporofeta bafe ba babedi bao ba bilego le tutuetšo e botse go Josia?

C. Moperisita o ile a hwetša’ng ka tempeleng ge Josia a be a kgopetše bašomi gore ba ­lokiše ‘ntlo ya Jehofa’?

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka 650 B.C.E. ya Beibele e a ngwalwa

[Mmapa]

O sentše diswantšho tše di betlilwego metseng ya ditšhaba tše.—2 Dikoronika 34:6, 7.

Nafutali

Manase

Efuraime

Simeone

JOSIA

KANEGELO YA BOPHELO BJA GAGWE

Josia o dirile “tše di lokilego mahlong a Jehofa” le ge Amone tatagwe a dirile tše mpe. (2 Dikoronika 34:2) O ile a kgetha go theetša bao ba ratago Modimo go e na le go theetša bagwera ba babe. Boikokobetšo bja gagwe le go leboga borapedi bja therešo di dirile gore a amogelwe ke Modimo.​—2 Dikgoši 22:19; 23:24, 25.

DIKARABO

A. 8, 31.—2 Dikoronika 34:1.

B. Jeremia le Tsefanya.—Jeremia 1:1, 2; Tsefanya 1:1.

C. “Puku ya molao wa Jehofa,” yeo e ngwadilwego ke Moshe.—2 Dikoronika 34:14-18.

Ge o nyaka go gatiša dikopi tše di oketšegilego tša “Bakeng sa go Boeletšwa ke Lapa,” eya go www.pr418.com

● Dikarabo tša “BAKENG SA GO BOELETŠWA KE LAPA” di go letlakala 15

 DIKARABO TŠA LETLAKALA 27

1. Jesu o dirišitše sefepi e sego tšhoša.

2. Banna bao ba be ba rekiša dikgomo le dinku, e sego dikolobe.

3. Banna bao ba be ba rekiša maeba, e sego maribiši.

4. Baananyi ba tšhelete ba be ba swere tšhelete ya tšhipi, e sego ya pampiri.