MADIRENG A LEFASE
Go Lebiša Tlhokomelo e Kgethegilego ka Lapeng
Malapa a lebeletšana le ditlhohlo tše dintši, eupša bohlale bja Beibele bjo bo sa felelwego ke nako bo ka a thuša gore a lebeletšane le ditlhohlo tšeo ka katlego.
Afrika
Go ya ka Mokgatlo wa Lefase wa tša Maphelo, bomma ba swanetše go thoma go amuša bana ba bona iri ka morago ga gore ba belegwe gomme ba tšwele pele ba ba amuša ka dikgwedi tše tshela ba sa ba fe dijo. Go sa šetšwe seo se bolelwago ke mokgatlo wo, UNICEF Regional Nutrition Adviser for Eastern and Southern Africa e boletše gore dipapatšo tša bofora di tšwela pele di bolela gore: “Maswi a masea ao a rekišwago a fo swana le matutu a mma.”
SEO BEIBELE E SE BOLELAGO: “Mang le mang yo a se nago temogo o dumela mantšu ka moka, eupša yo bohlale o šetša dikgato tša gagwe.”—Diema 14:15.
Canada
Banyakišiši ba kua Montreal ba boletše gore bana bao batswadi ba bona bušago ka molamo wa tšhipi, e lego bao ba beago melao e thata eupša ba sa bontšhe bana ba bona lerato, go ka direga gore bana ba bjalo ba none kudu ka tekanyo ya 30 lekgolong go feta bana bao batswadi ba bona ba bontšhago tekatekano tabeng ya lerato le tayo.
NA O BE O TSEBA? Tsela e kaone kudu ya go godiša bana e boletšwe ka Beibeleng nywagakgolong e fetilego.—Bakolose 3:21.
Netherlands
Nyakišišo yeo e dirilwego malapeng a Madutch ao go ona batswadi ka bobedi ba šomago e phethile ka gore batswadi bao ba sa dumelelego mošomo o tsenatsenana le boikarabelo bja lapa ba na le tswalano e botse le bana ba bona go feta batswadi bao ba dumelelago mošomo o šitiša boikarabelo bja bona bja lapa. Ka mohlala, go kopanya mošomo le lapa ka go letša megala yeo e tswalanago le mošomo ka morago ga diiri tša mošomo, go ka šitiša batswadi gore ba nee bana ba bona tlhokomelo yeo ba e hlokago.
SEO O KA NAGANAGO KA SONA: “Selo se sengwe le se sengwe se na le nako ya sona [ya maleba].”—Mmoledi 3:1.
You May Also Like
DIPUKU LE DIPOROUTŠHA
Lapa la Gago le ka Thaba
O ka ba le lenyalo le lapa le thabilego ka go diriša melao ya motheo ya Beibele.
