Dilo Tšeo di ka go Thušago go Dira Nyakišišo
Mešomo ya go Ithuta ya Bana
Batswadi ba na le boikarabelo bjo bogolo bja go ruta bana ba bona ka Jehofa. (Baef. 6:4) Mokgatlo wa Jehofa o tšweleditše dikgatišo tše dintši, dibidio le dikoša gore o kgone go thuša batswadi. O ka diriša bjang dilo tšeo go ruta bana ba gago?
Hwetša dilo tšeo di lego gona. Wepesaete ya JW.ORG e na le dilo ka moka tšeo di diretšwego bana, tšeo di akaretšago dibidio le matlakala ao ba ka ngwalelago go ona. a E le gore o hwetše dilo tšeo, eya lepokising leo le rego nyaka, ke moka o ngwale “Bana” goba “Bafsa.”
Kgetha taba yeo e swanelago ngwana wa gago. Ka tlase ga karolo yeo e rego “Bana” o ka kgetha dibidio, dikoša goba dilo tšeo o naganago gore di ka thuša ngwana wa gago. E le gore o hwetše dilo tšeo, nyaka sehlogo seo se rego, “Mešomo ya Borapedi bja Lapa.”
Iphe nako ya go boledišana le bana ba gago ka dilo tšeo. Phema go diriša dibidio tša rena goba mešomo e gatišitšwego feela gore o ntšhe bana ba gago bodutu. Go ena le moo, boledišana le bana ba gago ka dilo tšeo gore o ba thuše go ba le segwera se sebotse le Jehofa.
a Ga bjale JW Library®, e na le dibidio ka moka tša bana, eupša matlakala ao ba ka ngwalelago go ona ga a hwetšagale ka moka.
