Re phela dinakong tšeo di kgahlišago, moo Jehofa a utollago dilo tše dintšhi ka Lentšung la gagwe go feta le ge e le neng pele. (Dan. 12:4) Lega go le bjalo, re ka hwetša go le thata go tlwaelana le dilo tšeo di kaonefaditšwego mabapi le kwešišo ya rena ka ditherešo tša Beibele. Re ka hwetša kae diphetogo tše le ditlhaloso tša gona?

• Sehlogo seo se rego “Beliefs Clarified” ka go Watch Tower Publications Index se na le lenaneo la dilo tšeo di kaonefaditšwego ngwaga o mongwe le o mongwe. E le gore o hwetše dihlogo tše di fapafapanego ka go Watchtower Library goba go Watchtower LAEPRARI YA INTHANETENG, eya lepokising leo le rego tsenya sehlogo ke moka o ngwale “understanding clarified” (o e ngwale ka gare ga ditsebjana).

• Puku ya Tlhahlo ya go Dira Nyakišišo ya Dihlatse tša Jehofa e na le lenaneo le le kopana la dihlogo tšeo di fapafapanego. Eya go “Dihlatse tša Jehofa,” ke moka o ye sehlogong seo se rego “Dipono le Ditumelo,” ke moka o bule seo se rego “Go Kaonefatšwa ga Kwešišo ya Ditumelo tša Rena.”

Nakong ya thuto ya motho ka noši, o ka nyaka taba yeo e kaonefaditšwego ke moka wa dira nyakišišo ka kwešišo ya rena ya gona bjale le mabaka a Mangwalo a go fetoša kwešišo yeo.