Dilo Tšeo go ka go Thušago go Ithuta
Na o holwa ke ditlhaloso tša mangwalo tšeo o di hwetšago ka pukung ya Tlhahlo ya go Dira Nyakišišo ya Dihlatse tša Jehofa?
Ditlhaloso tše di ka go thuša gore o ithute Lentšu la Modimo ka mo go tseneletšego. Di ka go thuša go tseba gore dilo tše o balago ka tšona temaneng e itšego di diregile neng, ke ka baka la’ng temana yeo e ngwadilwe, e ngwaletšwe bomang goba tša go thuša go tseba gore mantšu a itšego goba dipolelwana di ra go re’ng.
Watchtower LAEPRARI YA INTHANETENG™ le JW Library® di go dumelela gore o kgone go bula Tlhahlo ya go Dira Nyakišišo ka go lebanya go tšwa temaneng ya Beibele. O ka hwetša dintlha karolong yeo e bontšhago ditšhupetšo ka Beibeleng e nngwe le e nngwe yeo e lego gona.
Ge o diriša dikgatišo tšeo, lebelela pele gore ke tša neng. Dihlogo tše difsa di tšwelela godimo. Ge o eya fase o tla hwetša dikgatišo tša kgale tšeo di nago le kwešišo ya nakong e fetilego.
Dikgatišo tšeo di tšwelelago temaneng ya Beibele, tšeo di tšwago ka pukung ya Tlhahlo ya go Dira Nyakišišo, di hwetšagala le go Watchtower LAEPRARI YA INTHANETENG.
E le gore o kgone go hwetša ditemana tšeo di tšwelelago dikgatišong ka go JW Library, taonelouta puku ya Tlhahlo ya go Dira Nyakišišo ke moka ka mehla ge e kaonefatšwa o e taoneloute gape. O ka dira seo ka go kgotla button yeo e tšwelelago godimo ga karolo ya go ithuta kgaolong e nngwe le e nngwe.
