Bala Baahlodi 11:30-40 gore o ithute kamoo Jefeta le morwedi wa gagwe ba ilego ba dira dilo tšeo ba bego ba tshepišitše go di dira.

Ithute ka seo go bolelwago ka sona. Baisiraele ba be ba ikwa bjang ka dilo tšeo ba bego ba tshepišitše Jehofa gore ba tlo di dira? (Num. 30:2) Jefeta le morwedi wa gagwe ba bontšhitše bjang gore ba be ba na le tumelo go Jehofa?​—Baa. 11:9-11, 19-24, 36.

Ithute kamoo go oketšegilego. Jefeta o be a tshepišitše Jehofa eng, gona o be a re gore’ng ge a be a bolela mantšu ao a lego mo lengwalong la Baahlodi 11:31? (w16.04 7 ¶12) Jefeta le morwedi wa gagwe ba ile ba swanelwa ke go dira’ng gore ba phethagatše seo ba se tshepišitšego Jehofa? (w16.04 7-8 ¶14-16) Lehono Bakriste ba ka tshepiša Jehofa gore ba tlo dira dilo dife tše bohlokwa?​—w17.04 5-8 ¶10-19.

Seo o ka ithutago sona. Ipotšiše gore:

• ‘Ke’ng seo se ka nthušago go phelela keno yeo ke e diretšego Jehofa ya gore ke tlo mo hlankela bophelo bja ka ka moka?’ (w20.03 13 ¶20)

• ‘Ke dilo dife tšeo nka di tlogelago gore ke kgone go hlankela Jehofa ka mo go oketšegilego?’

• ‘Ke’ng seo se ka nthušago go phelela keno yeo ke e diretšego molekane wa ka?’ (Mat. 19:5, 6; Baef. 5:28-33)