Banyalani ba bangwe bao ba balago kanegelo ya bophelo letšatši le lengwe le lengwe ba re: “Dihlogo tšeo di re tlišetša lethabo e bile di a re kgothatša! Di re gopotša gore le rena re ka kgona go botega maemong a mangwe le a mangwe.” Kgaetšedi yo mongwe yo a ikwago ka tsela yeo, o ngwadile gore: “Dikanegelo tše tša bophelo di a kgothatša, di a re šušumetša e bile di re kgoma pelo. Bana babo rena le dikgaetšedi ba phela bophelo bjo bo nago le morero. Dikanegelo tšeo di nkgothaletša gore ke tšee karolo tšhemong ka mehla le gore ke thuše bana ba ka gore ba tsenele tirelo ya nako e tletšego.”

Dikanegelo tše tša bophelo di ka go kgothaletša gore o kgone go oketša tirelo ya gago go Jehofa, o fenye mafokodi le gore o kgotlelele mathata o thabile e bile o na le seriti. O ka hwetša bjang dikanegelo tše?

• Nyaka sehlogo seo se rego “Kanegelo ya Bophelo” go jw.org/nso.”