Dihlogo tše Dingwe tša Morokami

Bagoeledi ba bantši ba diriša JW Library^® ge ba lokišetša diboka, e bile ba leboga kamoo lenaneo leo le ntšhago sehlogo se sengwe le se sengwe sa Morokami ka gona. Gantši Morokami wa go ithuta o na le dihlogo tše dingwe tšeo di ka re hlolago. O ka dira’ng gore o hwetše dihlogo tše le gore o holege ge o diriša JW Library?

• Mafelelong a sehlogo se sengwe le se sengwe sa Morokami go na le sehlogwana seo se rego, “Ditaba tše Dingwe Tšeo o ka di Balago.” Ka tlase ga sehlogwana seo, kgotla linki yeo e rego, “Dihlogo tše dingwe tša ka makasineng wo.” Lebelela dikagare, gomme o bone gore ke nomoro efe yeo e sepedišanago le sehlogo sa yona. Kgotla sehlogo seo o nyakago go se bala.

• Kgotla karolo yeo e rego Home go JW Library gomme o taoneloute Morokami o mongwe le o mongwe o mofsa woo o tšwelelago moo, karolong yeo e rego “What’s New.” Bula Morokami woo o o taoneloutilego gomme o lebelele dikagare tša wona go kgonthišetša gore sehlogo se sengwe le se sengwe seo se lego kamoo se a go hola.