Karolwana ya “Bona tše Difsa” go JW Library^® le go jw.org/nso e bontšha dibidio le dihlogo tšeo di sa tšwago go lokollwa. O ka diriša bjang karolwana ye gabotse?

• Dikgatišo di a lokollwa ke moka tša bewa moo di swanetšego go ba gona. Ge sehlogo se tšwelela go karolwana ya “Bona tše Difsa” o ka se taonelouta. O ka bala sehlogo se sefsa seo se tšwelelago mathomong a dihlogo tšeo o di taoneloutilego.

• O ka no se kgone go bala dikgatišo tše ditelele tšeo di swanago le dimakasine ka nako e tee. O ka tsenya kgatišo yeo o sego wa hlwa o fetša go e bala go karolwana ya Favorites gore o kgone go e hwetša gabonolo le gore o e bale go fihlela o e fetša.

Dilo tše dingwe tša go swana le ditaba le ditsebišo di tšwelela Wepesaeteng ya jw.org/nso feela, e sego go JW Library. Dula o gopola go lebelela karolwana ya “Bona tše Difsa” go wepesaete ya rena gore o kgone go dula o bala dihlogo tšeo di lego nakong.