Bala Genesi 37:​23-28; 39:17–23 gore o ithute mohlaleng wa Josefa wa go kgotlelela go swarwa gampe.

Ithute ka seo go bolelwago ka sona. Ke’ng seo se dirilego gore Josefa a swarwe gampe? (Gen. 37:​3-11; 39:​1, 6-10) Josefa o kgotleletše go swarwa gampe ka nako e kaakang? (Gen. 37:2; 41:46) Nakong yeo ka moka Jehofa o ile a dira’ng gore a thuše Josefa, gona ke eng seo a ilego a se se dire?—Gen. 39:​2, 21; w23.01 17 ¶13.

Ithute kamoo go oketšegilego. Ga go na moo Beibele e re botšago gore Josefa o ile a ikemelela ge mosadi wa Potifara a be a mo latofatša. Mangwalo a latelago a ka re thuša bjang go kwešiša gore ke ka baka la’ng Josefa a ile a kgetha go ikhomolela goba ke ka baka la’ng re sa swanela go letela gore go hlaloswe selo se sengwe le se sengwe seo se ilego sa direga? (Die. 20:2; Joh. 21:25; Dit. 21:37) Ke dika dife tšeo di ka bago di thušitše Josefa go kgotlelela go swarwa gampe?—Mika 7:7; Luka 14:11; Jak. 1:​2, 3.

Seo o ka ithutago sona. Ipotšiše gore:

• ‘Bjale ka molatedi wa Jesu, ke ka baka la’ng nka letela gore ke swarwe gampe?’ (Luka 21:​12, 16, 17; Baheb. 10:​33, 34)

• ‘Ke dilo dife tšeo di ka nthušago go lebeletšana le go swarwa gampe?’ (Ps. 62:​7, 8; 105:​17-19; w19.07 2-7)