Na o ka rata gore thuto ya gago ya motho ka noši e go hole? Ditšhišinyo tše di latelago di ka go thuša:

• Kgetha lefelo leo o ka kgonago go ithuta go lona. Nyaka lefelo leo le hlwekilego le leo sa hlakahlakanago. O ka kgetha go bala o dutše tafoleng goba o le ka ntle.

• Nyaka lefelo leo o ka bago noši go lona. Jesu o be a kgetha go rapela “e sa le ka masa” a le “lefelong le le lego lekatana.” (Mar. 1:35) Ge e ba go sa kgonege gore o be noši, o ka kgopela batho bao o dulago le bona gore ba go naganele.

• Phema dilo tšeo di ka go šitišago. Ge e ba o diriša founo goba thabolete, e bee boemong bjo bo ka se go šitišego go ithuta. Ge o ka re o sa bala wa nagana ka selo seo o swanetšego go se dira, o ka se ngwala fase gore o kgone go se dira ka morago. Ge e ba o tshwenywa ke go lelera nakong ya ge o ithuta, fela o ema gore o itšhidulle.