MOROKAMI—KGATIŠO E ITHUTWAGO October 2016
Tokollo ye e na le dihlogo tšeo di tlago go ahlaahlwa ka November 28 go ya go December 25, 2016.
KANEGELO YA BOPHELO
Go Lwela go Ekiša Mehlala e Mebotse
Kgothatšo e tšwago go Mokriste yo a godilego moyeng e ka thuša ba bangwe go ipeela dipakane tše dibotse le go leka go di fihlelela. Thomas McLain o hlalosa kamoo ba bangwe ba ilego ba mmeela mehlala e mebotse le kamoo yena ka morago a ilego a lwela go thuša ba bangwe.
‘Le se ke la Lebala go Amogela Batho Bašele’
Modimo o lebelela bjang batho bašele? O ka thuša bjang batho ba go tšwa dinageng tše dingwe gore ba ikwe ba lokologile ge ba fihla phuthegong ya geno?
Itlhokomele Moyeng ge o Hlankela Tšhemong ya Leleme Lešele
Go itlhokomela moyeng le go hlokomela ba lapa la gago e swanetše go ba selo seo se tlago pele go Bakriste ka moka. Lega go le bjalo, ge e ba o hlankela tšhemong ya leleme lešele, o lebana le ditlhohlo tše itšego.
Na o “Lota Bohlale”?
Bohlale, tsebo le kwešišo di fapana bjang? Go tseba karabo go ka hola e le ruri.
Tiiša Tumelo ya Gago Dilong Tšeo re di Holofeditšwego
Re ka kgothatšwa kudu ke mehlala e mentši ya batho ba kgale le ba mehleng yeno bao ba ilego ba bontšha tumelo. O ka dira eng gore tumelo ya gago e dule e tiile?
Bontšha Tumelo Dikholofetšong tša Jehofa
Ge e le gabotse tumelo ke eng? Le gona, o ka e bontšha bjang?
Na o be o Tseba?
Roma e ile ya nea babuši ba Bajuda tokologo e kaakaang kua Judea lekgolong la pele la mengwaga? Le gona, Na ke therešo gore mehleng ya bogologolo motho o be a ka bjala mefoka tšhemong ya motho yo mongwe?
