MOROKAMI—KGATIŠO E ITHUTWAGO September 2019
Tokollo ye e na le dihlogo tše ithutwago tšeo di tlago go ahlaahlwa ka October 28–December 1, 2019.
Jehofa o Rata Bahlanka ba Gagwe Bao ba Ikokobeditšego
Boikokobetšo ke se sengwe sa dika tše bohlokwa kudu tšeo re swanetšego go ba le tšona. Ke ka baka la’ng go ka ba thata gore re dule re ikokobeditše ge maemo a rena a fetoga?
Ruri re Fela Pelo ya Gore Haramagedone e tla Neng!
Ke ditiragalo dife tše dikgolo tšeo di tlago go lebiša ntweng ya Haramagedone? Re ka dira eng gore re dule re botega ge bofelo bo dutše bo batamela?
Ke ka Baka la Eng re Swanetše go Dula re Ekwa Jehofa?
Bagolo, botate le bomma ba ka ithuta go ikokobeletša bolaodi go Mmuši Nehemia; Kgoši Dafida le Maria mmago Jesu.
‘Tlang go Nna Gomme ke tla le Lapološa’
Go amogela taletšo ya Jesu go akaretša eng? Re tlo tšwela pele re lapološwa ke joko ya Jesu ge e ba re dira dilo tše tharo.
‘Bonang Lešaba le Legolo!’
Ponong ya Johane ya boporofeta, Jehofa o ile a utollela batho ba gagwe gore lešaba le legolo ke bomang, gore ke le le kaakang, le gore ditho tša lona di tšwa lefaseng ka moka e bile le tlo phologa masetlapelo a magolo ke moka la phela ka mo go sa felego mo lefaseng.
