Ga go na motho yo a ka tšhabelago lehu. Eupša na seo se ra gore ge motho a hlokofetše ke gona ge go fedile ka yena? Na Modimo o lebetše ka bahu? Go tlo direga’ng ka bona?

MODIMO GA SE A LEBALA KA BAHU

Johane 5:28, 29 e re: ‘Bohle bao ba lego mabitleng a kgopotšo ba tla tšwa.’

Modimo ga se a lebala bahu; bahu bao ba lego mogopolong wa gagwe ba tlo tsoga.

GO TLO BA LE TSOGO YA BAHU MO LEFASENG

Ditiro 24:15 e re: “Go tla ba le tsogo ya ba lokilego gotee le ba sa lokago.”

Modimo o tlo tsoša bahu ba bantši gomme a ba fa sebaka sa go phela ka mo go felego mo lefaseng ba thabile.

TABA YA GORE BAHU BA TLO TSOGA GA SE TORO

Psalme 147:4 e re: “[Modimo] o bala palo ya dinaledi; ka moka ga tšona o di bitša ka maina.”

Ge e ba Modimo a tseba dinaledi ka moka ka maina, na a ka palelwa ke go gopola batho bao a tlago go ba tsoša bahung? Le gatee!