Ke ka Baka la Eng re se ra Swanela go Inyatša?
KE KA BAKA LA ENG GO SE INYATŠE GO LE BOHLOKWA?
Batho bao ba sa inyatšego ba kgona go lebeletšana le mathata gabotse. Ga ba lahlele toulo gabonolo.
-
Dinyakišišo di bontšha gore batho bao ba dulelago go nagana dilo tše mpe ka maphelo a bona ba feleletša ba e na le dipelaelo, kgateletšego ya monagano e bile ba sa je gabotse. Le gona ba feleletša ba enwa bjala kudu le go diriša dihlaretagi gampe.
-
Batho bao ba sa inyatšego ga ba ipapetše le batho ba bangwe, seo se dira gore ba be le bagwera le go ba le tswalano e botse le batho bao ba phelago le bona. Ka lehlakoreng le lengwe batho bao ba inyatšago ba dula ba swayaswaya ba bangwe diphošo seo se dira gore ba se ke ba ba le tswalano e botse le batho ba bangwe.
-
Batho bao ba sa inyatšego ge ba e ba le mathata ba kgona go a kgotlelela, ga ba a dumelele gore a ba thibele go fihlelela dipakane tša bona. Ka lehlakoreng le lengwe, batho bao ba inyatšago ba tšhošwa ke mathata a manyenyane ba bona e ka ke a magolo kudu. Gantšhi seo se dira gore ba lahlele toulo gabonolo.
SEO O KA SE DIRAGO
Kgetha bagwera bao ba tlago go go kgothatša. Phela le batho bao ba nago le tlhompho, bao ba go kganyogelago dilo tše dibotse le bao ba tlago go go thuša gore o be motho yo mokaone.
Thuša ba bangwe. Ge eba o na le botho e bile o kgona go thuša batho ba bangwe go akaretša le bao ba ka se kgonego go go thuša ka selo, o tlo no thabišwa ke gore o kgonne go ba thuša. Le ge batho ba bangwe ba ka se bone seo o se dirago go thuša batho ba bangwe, wena o tlo no thaba.
Ruta bana ba gago gore ba se ke ba inyatša. O ka dira seo ka go ba dumelela gore ba itharollele mathata a bona ge e ba go kgonega. Seo se tlo thuša bana ba gago gore ba kgone go lebeletšana le mathata a bona gabotse le go itharollela ona. Go se inyatše go tlo ba thuša le ge ba šetše ba godile.
SEO DIHLATSE TŠA JEHOFA DI SE DIRAGO
Diboka tša Dihlatse tša Jehofa le dithuto tšeo ba di swarelago batho, di thuša batho gore ba kgone go ikwa ba le bohlokwa le go kaonefatša maphelo a bona.
DIBOKA TŠEO DI SWARWAGO BEKE E NNGWE LE E NNGWE
Dibokeng tša rena re thabela go kwa dithuto tša Beibele tšeo di re thušago gore re kgone go itlhompha. Dibokeng tša rena go tsenwa mahala e bile batho ka moka bao ba nyakago go tla ba ka no tla. Ge o le moo o tlo ithuta dilo tša go swana le tše di latelago . . .
-
ke ka baka la eng o le bohlokwa go Modimo?
-
o ka phela bophelo bjo bo nago le morero bjang?
-
o ka dira’ng gore o be le segwera se sebotse le batho ba bangwe?
Ge o ka tla dibokeng tša Dihlatse tša Jehofa o tlo hwetša bagwera bao ba nago le taba le wena. —1 Bakorinthe 12:25, 26.
Gore o ithute ka mo go oketšegilego ka diboka tša rena eya go jw.org/nso ke moka o nyake bidio e kopana yeo e rego “Ke Eng Seo se Diregago Holong ya Mmušo?”
DITHUTO TŠA BEIBELE TŠEO RE DI SWARELAGO BATHO
Re ruta batho Beibele mahala re diriša puku yeo e rego Thabela Bophelo go ya go Ile! Puku ye e na le mangwalo a mantšhi ao a theilwego Beibeleng, ditlhaloso tšeo di kwagalago, dipotšišo tšeo di dirago gore motho a naganišiše, dibidio tšeo di kgahlišago le diswantšho tše dibotse. Dithuto tša Beibele tšeo re di swarelago batho di ba thuša gore ba ikwe ba le bohlokwa le go dira gore ba kgone go kaonefatša maphelo a bona.
Gore o bone ge e ba go ithuta Beibele le Dihlatse tša Jehofa go tla go hola, eya go jw.org/nso ke moka o nyake bidio e kopana yeo e rego “Ke ka Baka la Eng o Swanetše go Ithuta Beibele?”.
You May Also Like
PHAFOGA!
Kamoo o ka Bontšhago Tlhompho ka Gona
Tlhompho ga se ya swanela go bontšhwa ka sewelo lenyalong
DIPOTŠIŠO TŠA BEIBELE DI A ARABJA
Beibele e Re’ng ka go Ithata?
Jesu o be a e ra go re’ng ge a be a re: “O rate moagišani wa gago ka mokgwa wo o ithatago ka wona”?
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.
MABAPI LE RENA
Etla Sebokeng
Ithute ka diboka tša rena. Ikhweletše lefelo la diboka tša rena kgauswi le moo o dulago.
