PHAFOGA! No. 2 2020 | Ke ka Baka la Eng re Welwa ke Mathata?
Nengneng mo bophelong, ka moka ga rena re welwa ke mathata. Mohlomongwe re a lwala, re bile le kotsi ya koloi, kotsi ya tlhago goba re a tlaišwa.
Batho ba nyaka go tseba dikarabo.
Batho ba bangwe ba re re welwa ke mathata ka gobane go na le selo se itšego seo se nago le matla seo se dirago gore re tlaišege. Mola ba bangwe ba nagana gore ga go na selo seo re ka se dirago gore re se welwe ke mathata.
Ba bangwe ba re re welwa ke mathata ka baka la dilo tše mpe tšeo re kilego ra di dira goba tšeo re di dirilego bophelong bja nakong e fetilego.
Gantši mathata a dira batho gore ba šale ba ipotšiša dipotšišo tše dintši, eupša ba sa hwetše dikarabo.
Seo Batho ba Bangwe ba se Dumelago
Bona kamoo dikereke tša go fapafapana di naganago gore ke ka baka la eng re welwa ke mathata.
1 Na re Swanetše go Bea Modimo Molato ge re Welwa ke Mathata?
Batho ba bantši ba rutilwe maaka a gore Modimo ke yena a re bakelago mathata. Nnete ke efe?
2 Na re Swanetše go Ipea Molato ge re Welwa ke Mathata?
Ge e ba batho e le bona ba ipakelago mathata, gona go ra gore ba ka kgona go a fokotša.
3 Ke ka Baka la Eng Batho ba go Loka ba Welwa ke Mathata?
Beibele e hlalosa gore ke ka baka la eng re welwa ke mathata.
4 Na Modimo o re Tlišitše mo Lefaseng Gore re tle re Sokole?
Na Modimo yo a bopilego dilo tše dintši tše dibotse, a ka buša a dira gore re sokole? Ge e ba go se bjalo, gona re nyaka go tseba gore go senyegile kae?
5 Na Mathata ao a re Welago a tla ka a Fela?
Beibele e re botša gore Modimo o tlo fediša bjang mathata ao a re welago.
O ka Hwetša Thušo
Le ge re ka bona eka mathata a rena a ka se rarollege, Beibele e ka re thuša.
