Tiragalo Yeo o sa Swanelago go e Foša

“ ’Neô tšohle tše botse, le ’mphô tšôhle di tletšexo” di tšwa go Modimo, Tatago rena wa legodimong.​—Jakobo 1:⁠17.

MPHO e kgolo kudu yeo Modimo a e neilego batho ba sebe ke tokišetšo ya go fodišwa ga bona ka Morwa wa gagwe yo a tswetšwego a nnoši, Jesu Kriste. Lehu la Jesu e le Molopolodi wa rena le dira gore bophelo bjo bo sa felego lefaseng la paradeise bo kgonege. Go Luka 22:​19 re laelwa gore re gopole lehu la gagwe.

Dihlatse tša Jehofa di go laletša ka borutho gore o be le tšona ge di latela taelo ye ya Jesu. Monyanya wo wa ngwaga le ngwaga o tla thoma ka morago ga ge letšatši le sobetše ka letšatši leo le sepedišanago le Nisani 14 almanakeng ya Beibele​—Sontaga, April 8, 2001. Ngwala letšatši le e le gore o se le lebale. Dihlatse tša Jehofa lefelong la geno di ka go botša lefelo le le nepagetšego la seboka le nako.