‘Lebogang Dihlatse tša Jehofa Bakeng sa Tokologo ya Bodumedi’

SEHLOGO se se lego ka makasineng wa USA Today se re: “Pele o tswalelela Dihlatse tša Jehofa mojako, ema ganyenyane gomme o akanye ka tlaišo e sehlogo yeo di ilego tša lebeletšana le yona e sego kgale kudu, gotee le tema e kgolo yeo di bilego le yona go ditokologo tše di kgonthišeditšwego ke Tokišo ya Pele ya molao-theo tšeo ka moka re di thabelago.” Dihlatse tša Jehofa di ile tša tlaišwa kua United States nakong ya bo-1940 ka moka, ka ge gare ga dilo tše dingwe di be di gana go dumediša folaga.​—⁠Ekisodo 20:​4, 5.

Melato e ka bago 30 yeo e akaretšago Dihlatse tša Jehofa e ile ya tšwelela ka pele ga Kgoro-kgolo ya Tsheko ya United States lebaka la nywaga e mehlano magareng ga 1938 le 1943. Sehlogo se re: “Dihlatse di ile tša tsoša leboelela ditaba tša bohlokwa tšeo di akaretšago Tokišo ya Pele ya molao-theo moo Moahlodi Harlan Fiske Stone a ngwadilego gore, ‘Dihlatse tša Jehofa di swanetše go hwetša mpho mabapi le thušo yeo di e neilego bakeng sa go rarolla mathata a molao a tokologo ya selegae.’”

Ka gona, kgaufsi le mafelelong a sona sehlogo se re: “Madumedi ka moka a swanetše go leboga Dihlatse tša Jehofa ka baka la go katološa tokologo ya [bodumedi].”

[Mothopo wa Seswantšho go letlakala 32]

Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States