Thabela Tsebo ya go Tseba Jehofa
Thabela Tsebo ya go Tseba Jehofa
“[Ba] lehlôxônôlô ké [bao ba] kwaxo Lentšu la Modimo ’me [ba] le lôtôla.”—LUKA 11:28.
1. Jehofa o thomile neng go boledišana le batho?
JEHOFA o rata batho gomme o kgahlišwa ka mo go tseneletšego ke katlego ya bona. Ka gona, ga go makatše gore o boledišana le bona. Poledišano ye e thomile tšhemong ya Edene. Go ya ka Genesi 3:8, lebakeng le lengwe “ka mantšibua,” Adama le Efa ba ile ba ‘kwa lentšu la Morena Modimo.’ Ba bangwe ba šišinya gore se se šupa gore e be e le mokgwa wa Jehofa go bolela le Adama ka nako ye, mohlomongwe letšatšing le lengwe le le lengwe. Go sa šetšwe ge e ba go be go le bjalo goba go se bjalo, Beibele e hlalosa gabotse gore Modimo o be a iphile nako e sego feela ya go nea motho wa pele ditaelo eupša le ya go mo ruta seo a bego a swanetše go se tseba gore a phethe boikarabelo bja gagwe.—Genesi 1:28-30.
2. Batho ba babedi ba pele ba ile ba ikaroganya bjang le tlhahlo ya Jehofa, gomme ka mafelelo afe?
2 Jehofa o neile Adama le Efa bophelo, gore ba laole diphoofolo le lefase ka moka. Go be go e-na le thibelo e tee feela—ba be ba sa dumelelwa go ja dienywa tša sehlare sa go tseba botse le bobe. E le ge ba tutueditšwe ke Sathane, Adama le Efa ba ile ba tshela taelo ya Modimo. (Genesi 2:16, 17; 3:1-6) Ba ile ba ikgethela go dira dilo ka go ipuša, ba itirela phetho ka bobona ka seo e lego se se lokilego le seo e lego se se fošagetšego. Ka go dira bjalo, ba ile ba ikaroganya ka bošilo le tlhahlo ya Mmopi wa bona yo lerato. Mafelelo a seo e bile a kotsi kudu go bona gotee le go bana ba bona bao ba bego ba se ba hlwa ba belegwa. Adama le Efa ba ile ba tšofala gomme mafelelong ba hwa ba se na kholofelo ya tsogo. Ditlogolo tša bona di ile tša abela sebe le mafelelo a sona, e lego lehu.—Ba-Roma 5:12.
3. Ke ka baka la’ng Jehofa a ile a boledišana le Kaine, gomme Kaine o ile a arabela bjang?
3 Go sa šetšwe borabele bja Edene, Jehofa o ile a tšwela pele a boledišana le tlholo ya gagwe e lego batho. Kaine, e lego morwa wa leitšibulo wa Adama le Efa, o be a le kotsing ya go fenywa ke sebe. Jehofa o ile a mo lemoša gore o be a lebile kotsing gomme a mo eletša gore a ‘dire gabotse.’ Kaine o ile a gana keletšo ye e lerato gomme a bolaya ngwanabo. (Genesi 4:3-8) Ka go rialo, batho ba bararo ba mathomo mo lefaseng ba ile ba gana tlhahlo e lego molaleng e neilwego ke yo a bego a ba neile bophelo, e lego Modimo yo a neago batho ba gagwe tlhahlo e le gore ba ikhole ka yona. (Jesaya 48:17) Se se swanetše go ba se ile sa nyamiša Jehofa gakaakang!
Jehofa o Ikutolla Bathong ba Mehleng ya Bogologolo
4. Ge e le mabapi le ditlogolo tša Adama, Jehofa o be a kgodišegile ka eng, gomme ke molaetša ofe wa kholofelo wo a ilego a o nea e le ge a gopotše ka seo?
4 Gaešita le ge a be a na le tshwanelo ya go ka kgaotša go boledišana le batho, Jehofa ga se a ka a dira bjalo. O be a kgodišegile gore tše dingwe tša ditlogolo tša Adama di be di tla latela tlhahlo ya Gagwe ka bohlale. Ka mohlala, ge a be a ahlola Adama le Efa, Jehofa o ile a bolela ka go tla ga “peu” yeo e bego e tla lwa le Noga, Sathane Diabolo. Ge nako e dutše e e-ya, Sathane o be a tlo gobatšwa hlogong wa go iša lehung. (Genesi 3:15) Boporofeta bjo e be e le molaetša o thabišago wa kholofelo go ‘bao ba kwago lentšu la Modimo gomme ba le lotola.’—Luka 11:28.
5, 6. Jehofa o ile a boledišana bjang le batho ba gagwe pele ga lekgolo la pele la nywaga C.E., gomme se se ile sa ba hola bjang?
5 Jehofa o ile a tsebiša bapatriareka ba botegago Genesi 6:13; Ekisodo 33:1; Jobo 38:1-3) Ka morago, o ile a ntšha thulaganyo e feletšego ya melao bakeng sa setšhaba sa Isiraele ka Moše. Molao wa Moše o ile wa ba hola ka ditsela tše dintši. Ka go o kwa, Isiraele e ile ya hlaolwa ditšhabeng tše dingwe ka moka e le setšhaba sa Modimo se se kgethegilego. Modimo o ile a kgonthišetša ba-Isiraele gore ge ba be ba ka kwa Molao, o be a tla ba šegofatša e sego feela ka dilo tše di bonagalago eupša gape le moyeng, a ba dira mmušo wa baperisita, setšhaba se sekgethwa. Molao o ile wa ba wa nea melao mabapi le dijo le bohlweki yeo e bego e kgothaletša bophelo bjo bobotse. Lega go le bjalo, Jehofa o ile a ba a lemoša le ka mafelelo a kotsi ao a bego a tla bakwa ke go se kwe.—Ekisodo 19:5, 6; Doiteronomio 28:1-68.
ba bogologolo ba bjalo ka Noage, Aborahama, Isaka, Jakobo le Jobo ka thato ya gagwe. (6 Ge nako e dutše e tšwela pele, dipuku tše dingwe tše di buduletšwego di ile tša tlaleletšwa dipukung tša Beibele. Dipego tša histori di bolela ka ditirišano tša ge Jehofa a dirišana le ditšhaba gotee le batho. Dipuku tša direto di hlalositše dika tša gagwe gabotse. Dipuku tša boporofeta di boletše e sa le pele mabapi le kamoo thato ya Jehofa e bego e tla diragala ka gona nakong e tlago. Banna ba botegago ba bogologolo ba ile ba ithuta le go diriša ka kelohloko mangwalo a a buduletšwego. Yo mongwe o ngwadile gore: “ ’Ntšu la xaxo ké lebônê la dinaô tša-ka, ké seetša tseleng ya-ka.” (Psalme 119:105) Go bao ba bego ba ikemišeditše go theetša, Jehofa o ile a ba nea thuto le tshedimošo.
Seetša se Phadima Kudu
7. Gaešita le ge Jesu a ile a dira mehlolo, o be a tsebja kudu ka eng, gomme ka baka la’ng?
7 Lekgolong la pele la nywaga, dihlopha tša bodumedi tša ba-Juda di ile tša tlaleletša ka meetlo ya batho Molaong. Molao o ile wa dirišwa ka mo go fošagetšego, gomme go e na le go ba mothopo wa seetša o ile wa fetoga morwalo ka baka la meetlo yeo. (Mateo 23:2-4) Lega go le bjalo, ka 29 C.E., Jesu o ile a tšwelela e le Mesia. Thomo ya gagwe e be e se feela go neela bophelo bja gagwe bakeng sa batho eupša e be e le gape le go ba “hlatse ya therešô.” Gaešita le ge a ile a dira mehlolo, o be a tsebja kudu e le “Moruti.” Thuto ya gagwe e be e etša seetša se se phadimago lefsifsing la moya leo le širilego menagano ya batho. Jesu ka noši o ile a bolela ka mo go nepagetšego gore: “Ké Nna seetša sa lefase.”—Johane 8:12; 11:28; 18:37.
8. Ke dipuku dife tše di buduletšwego tše di ngwadilwego lekgolong la pele la nywaga C.E., gomme di ile tša hola Bakriste ba pele bjang?
Ba-Efeso 3:14-18) Ba ile ba kgona go ba le “kêlêlô ya Kriste.” (1 Ba-Korinthe 2:16) Lega go le bjalo, Bakriste bao ba pele ga se ba ka ba kwešiša ka mo go feletšego sebopego se sengwe le se sengwe sa merero ya Jehofa. Moapostola Paulo o ile a ngwalela badumedi-gotee le yena gore: “Xe e le byale re bôna ka seiponi, re sa kwa ka nyêpô.” (1 Ba-Korinthe 13:12) Seipone se se bjalo se be se tla bontšha dintlha tše kgolo feela eupša e sego ditaba ka moka. Kwešišo e tletšego ya Lentšu la Modimo e be e sa tla.
8 Ka morago go ile gwa tlaleletšwa ka Diebangedi, dipego tše nne tšeo di ngwadilwego tša bophelo bja Jesu le puku ya Ditiro yeo e lego mabapi le histori ya go phatlalala ga Bokriste ka morago ga lehu la Jesu. Go be go bile go e-na le mangwalo a buduletšwego ao a ngwadilwego ke barutiwa ba Jesu, gotee le puku ya boporofeta ya Kutollo. Mengwalo ye ge e kopanywa le Mangwalo a Sehebere e ile ya phetha dipuku tše kgethwa tša Beibele. Ka thušo ya bokgoba-puku bjo bjo bo buduletšwego, Bakriste ba ile ba kgona go ‘lemoga le bakgethwa bohle bophara, botelele, go iša le go phagama’ ga therešo. (9. Ke tshedimošo efe e bilego gona “mehleng ya bofêlô”?
9 Lehono re phela mehleng e bitšwago ‘mehla ya bofelo,’ mehla yeo e swawago ka “dinako tše hlobaetšago tšeo go lego thata go lebeletšana le tšona.” (2 Timotheo 3:1, NW) Moporofeta Daniele o ile a bolela e sa le pele gore mehleng ye ‘go [be go] tlo ata tsebo.’ (Daniele 12:4) Lega go le bjalo, Jehofa, Mofetiša-melaetša yo Mogolo, o thušitše batho ba dipelo tše di botegago go kwešiša seo se bolelwago ke Lentšu la gagwe. Mašaba a batho ga bjale a kwešiša gore Kriste Jesu o beilwe sedulong sa bogoši magodimong a sa bonagalego ka 1914. Mašaba a bile a tseba gore kgaufsinyane o tla fediša bokgopo ka moka gomme a fetoša lefase go ba paradeise ya lefase ka moka. Sebopego se se bohlokwa sa ditaba tše dibotse tša Mmušo ga bjale se bolelwa lefaseng ka bophara.—Mateo 24:14.
10. Batho ba ile ba arabela bjang keletšong ya Jehofa go theoša le nywaga-kgolo?
10 Ee, go theoša le histori Jehofa o ile a tsebiša batho ba lefaseng ka thato ya gagwe le morero wa gagwe. Pego ya Beibele e hlalosa ka ba bantši bao ba ilego ba theetša, ba diriša bohlale bja Modimo gomme ba šegofaletšwa seo. E re botša ka ba bangwe bao ba ilego ba gana keletšo ya Modimo e lerato gomme ba latela tsela e senyago ya Adama le Efa. Jesu o ile a bontšha boemo bjo ge a be a bolela ka ditsela tše pedi tša seswantšhetšo. E nngwe e iša tshenyegong. E phatlaletše e bile e bulegile, e latelwa ke ba bantši bao ba ganago Lentšu la Modimo. Tsela e nngwe e lebiša bophelong bjo bo sa felego. Gaešita le ge e pitlagane, ke tsela ya ba sego kae bao ba amogelago Beibele bakeng sa seo e lego sona, Lentšu la Modimo, gomme ba phela ka go dumelelana le yona.—Mateo 7:13, 14.
Go Leboga Seo re Nago le Sona
11. Tsebo ya rena ya Beibele gotee le go e dumela ke bohlatse bja eng?
11 Na o gare ga bao ba kgethilego tsela e išago bophelong? Ge e ba go le bjalo, ka ntle le pelaelo o tla nyaka go dula go yona. O ka dira bjang seo? Naganišiša ka mehla le ka tebogo ka ditšhegofatšo tšeo o di hweditšego ka go tseba ditherešo tša Beibele. Therešo ya gore o arabetše ditabeng tše dibotse ke bohlatse bja tšhegofatšo ya Modimo. Jesu o ile a bontšha se ge a be a rapela Tatagwe ka mantšu a rego: “Ke a Xo rêta, Wene Tate Mong ’a lexodimo le lefase, ka xobane tšeo O di fihletše ba bohlale le ba thlaloxanyô ’me wa di utollêla ba e lexo bana.” (Mateo 11:) Barei ba dihlapi le balekgetho ba ile ba kwešiša thuto ya Jesu mola baetapele ba phagamego ba bodumedi ba se ba ka ba e kwešiša. Jesu gape o itše: “Xa xo motho e a kxônaxo xo tla xo Nna, xe a sa xôxwe ke Tate e a nthomilexo.” ( 25Johane 6:44) Ge e ba o tsebile Beibele gomme o dumela le go latela dithuto tša yona, se ke bohlatse bja gore Jehofa o go gogile. Le ke lebaka la go thaba.
12. Beibele e nea tshedimošo ka ditsela dife?
12 Lentšu la Modimo le na le ditherešo tše di lokollago gomme le nea tshedimošo. Bao ba phelago go ya ka tsebo ya Beibele ba lokologile ditumela-khweleng, dithutong tša maaka le go hlokeng tsebo mo go bušago maphelo a ba dimilione. Ka mohlala, go tseba therešo ka moya go re lokolla poifong le ge e le efe ya gore bahu ba ka re gobatša goba ya gore baratiwa ba rena ba ba hwilego ba a tlaišega. (Hesekiele 18:4, PK) Go tseba therešo ka barongwa ba babe go re thuša go phema dikotsi tša go dirišana le meoya. Thuto ya tsogo ke yeo e homotšago go bao ba lahlegetšwego ke baratiwa ba bona ka lehu. (Johane 11:25) Diporofeto tša Beibele di re bontšha moo re lego gona mosepelong wa nako le go re nea kgodišego ka dikholofetšo tša Modimo bakeng sa bokamoso. Gape di matlafatša kholofelo ya rena ya go phela ka mo go sa felego.
13. Go kwa Lentšu la Modimo go re hola bjang mmeleng?
13 Melao ya motheo ya Modimo e lego ka Beibeleng e re ruta go phela ka tsela yeo e tlišago mehola ya mmele. Ka mohlala, re ithuta go phema mekgwa yeo e šilafatšago mebele ya rena, e bjalo ka go dirišwa gampe ga motšoko le dihlare-tagi tše dingwe. Re phema go dirišwa gampe ga bjala. (2 Ba-Korinthe 7:1) Go ela hloko melao ya Modimo ya boitshwaro go šoma e le tšhireletšo malwetšing a fetelago a kopano ya botona le botshadi. (1 Ba-Korinthe 6:18) Ka go kwa keletšo ya Modimo ya go phema go rata tšhelete, ga re senye khutšo ya rena ya monagano, go etša ge ba bantši ba dirile, ka go phegelela mahumo. (1 Timotheo 6:10) O holegile ka ditsela dife mmeleng ka baka la go diriša Lentšu la Modimo bophelong bja gago?
14. Moya o mokgethwa o na le tutuetšo efe maphelong a rena?
14 Ge e ba re phela ka go dumelelana le Lentšu la Modimo, re amogela moya o mokgethwa wa Jehofa. Re hlagolela semelo se swanago le sa Kriste, seo se bonagatšwago ka dika tše di kgahlišago tše bjalo ka kgaugelo le kwelobohloko. (Ba-Efeso 4:24, 32) Moya wa Modimo gape o tšweletša ka go rena dienywa tša wona—lerato, lethabo, khutšo, go se fele pelo, botho, go loka, tumelo, boleta le boitshwaro. (Ba-Galatia 5:22, 23, bapiša le NW.) Dika tše di godiša ditswalano tša lethabo le tšeo di nago le morero le ba bangwe, go akaretša le ditho tša lapa. Re hwetša matla a ka gare ao a re thušago go lebeletšana le mathata ka sebete. Na o lemoga kamoo moya o mokgethwa o tutueditšego bophelo bja gago bakeng sa gore e be bjo bokaone?
15. Ge re dutše re dumelelanya maphelo a rena le thato ya Modimo, re holega bjang?
15 Ge re dutše re dumelelanya maphelo a rena le thato ya Modimo, re matlafatša tswalano ya rena le Jehofa. Kgodišego ya gore o a re kwešiša e bile o a re rata e a gola. Re ithuta ka phihlelo gore o a re thekga dinakong tše thata. (Psalme 18:18) Re lemoga gore o theetša dithapelo tša rena e le ka kgonthe. (Psalme 65:2) Re thoma go ithekga ka tlhahlo ya gagwe, re kgodišegile gore e tla re hola. E bile re na le kholofelo e kgahlišago ya gore ka nako e swanetšego Modimo o tla tliša batho ba gagwe ba botegago phethegong gomme a ba nea mpho ya bophelo bjo bo sa felego. (Ba-Roma 6:23) Morutiwa Jakobo o ngwadile gore: “Batamêlang Modimo, le Yêna a Le batamêlê.” (Jakobo 4:8) Na o kile wa ikwa gore tswalano ya gago le Jehofa e matlafaditšwe ka ge o batametše kgaufsi le yena?
Ke Lehumo Leo le sa Lekanywego
16. Bakriste ba bangwe ba lekgolong la pele la nywaga ba dirile diphetogo dife?
16 Paulo o ile a gopotša Bakriste ba tloditšwego ka moya ba lekgolong la pele la nywaga gore ba bangwe ba bona ka nako e nngwe e kile ya ba diotswa, dihlotlolo, basodoma, mahodu, batho ba megabaru, matagwa, ba maroga le bahlakodi. (1 Ba-Korinthe 6:9-11) Therešo ya Beibele e ba dirile gore ba dire diphetogo tše dikgolo; ba be ba “hlatswitšwe.” Leka go nagana kamoo bophelo bja gago bo bego bo tla ba ka gona ka ntle le ditherešo tše di lokollago tše o ithutilego tšona ka Beibeleng. Ruri therešo ke lehumo leo le sa lekanywego. Re thabile gakaakang gore Jehofa o boledišana le rena!
17. Dihlatse tša Jehofa di ile tša fepša bjang moyeng dibokeng tša Bokriste?
17 Go tšwela pele, nagana ka tšhegofatšo yeo re nago le yona borwarreng bja rena bja merafo-rafo! “Molaki e a bôtêxaxo yo bohlale” o nea dijo tša moya ka nako e swanetšego, go akaretša Dibeibele, dimakasine le dipuku tše dingwe ka maleme a mantši. (Mateo 24:45-47) Dibokeng tša phuthego ka ngwaga wa 2000, Dihlatse tša Jehofa dinageng tše dintši di hlahlobile dintlha-kgolo tše di tšwago ka dipukung tše dikgolo tše seswai tša Mangwalo a Sehebere. Di ile tša ahla-ahla ditaba tše di sa swanego ka pukung ya Go Boledišana ka Mangwalo. Di ahla-ahlile mo e ka bago kotara ya puku ya Motho yo a Phagamego Kudu yo a Kilego a Phela le mo e nyakilego go ba puku ka moka ya Ela Hloko Boporofeta bja Daniele! Dihlogo tša tlaleletšo tše 36 di ile tša ahla-ahlwa go tšwa makasineng wa Morokami go tlaleletša dihlogong tše di ithutwago tše 52. Go feta moo, batho ba Jehofa ba ile ba fepša ka ditokollo tše 12 tša Tirelo ya Rena ya Mmušo le dipolelo tša phatlalatša tša beke le beke tšeo di theilwego ditabeng tša Beibele tše di fapa-fapanego. A lehumo le lekaakang la tsebo ya moya leo le ilego la hwetšagala!
18. Re thušwa ka ditsela dife ka phuthegong ya Bokriste?
18 Lefaseng ka bophara, diphuthego tše fetago tše 91 000 di nea thekgo le kgothatšo ka diboka le bogwera. Gape re thabela thekgo ya Bakriste-gotee le rena bao ba gotšego tsebong ba ba ratago go re thuša moyeng. (Ba-Efeso 4:11-13) Ee, re holegile kudu ka go hwetša tsebo ya therešo. Go a thabiša go tseba Jehofa le go mo hlankela. Ke a therešo gakaakang mantšu a mopsalme yo a ngwadilego gore: “Go thabile batho bao Modimo wa bona e lego Jehofa!”—Psalme 144:15, NW.
Na o a Gopola?
• Jehofa o ile a boledišana le bomang pele ga mehla ya Bokriste?
• Seetša sa moya se ile sa phadima kudu bjang lekgolong la pele la nywaga? mehleng ya rena?
• Ke ditšhegofatšo dife tše di tlišwago ke go phela ka go dumelelana le tsebo ya go tseba Jehofa?
• Ke ka baka la’ng re thabela tsebo ya go tseba Modimo?
[Dipotšišo tša Thuto]
[Diswantšho go letlakala 8]
Jehofa o ile a tsebiša Moše, Noage le Aborahama ka thato ya gagwe
[Seswantšho go letlakala 9]
Mehleng ya rena, Jehofa o hlabišitše seetša Lentšung la gagwe
[Diswantšho go letlakala 10]
Nagana ka tšhegofatšo yeo re nago le yona borwarreng bja rena bja merafo-rafo!
Na o a Gopola?
• Jehofa o ile a boledišana le bomang pele ga mehla ya Bokriste?
• Seetša sa moya se ile sa phadima kudu bjang lekgolong la pele la nywaga? mehleng ya rena?
• Ke ditšhegofatšo dife tše di tlišwago ke go phela ka go dumelelana le tsebo ya go tseba Jehofa?
• Ke ka baka la’ng re thabela tsebo ya go tseba Modimo?