Dipotšišo tše Tšwago go Babadi

Na go se phethagale ga Maria kgarebe go ile gwa ba le mafelelo a sa lokago go ingweng ga Jesu?

Pego e buduletšwego e bolela mabapi le “matswalô a Jesu” gore: “Maria mm’axwe à sa beeleditšwe ke Josefa, bà sešo ba kôpana, ó hweditšwe è le moima ka Môya-mokxêthwa.” (Mateo 1:​18) Ka kgonthe, moya o mokgethwa wa Modimo o kgathile tema e bohlokwa go imeng ga Maria.

Lega go le bjalo, go thwe’ng ka Maria? Na sele ya lee la gagwe e ile ya ba le karolo go imeng ga gagwe? Ka go ela hloko dikholofetšo tša Modimo tšeo a di boditšego Aborahama, Isaka, Jakobo, Juda le Kgoši Dafidabo-rakgolokhukhu ba Maria—​ngwana yo a bego a tla belegwa o be a tla swanelwa ke go ba setlogolo sa bona sa kgonthe. (Genesi 22:​18; 26:​24; 28:​10-14; 49:​10; 2 Samuele 7:​16) Go be go ka kgonega bjang gore ngwana yoo a belegwego ke Maria e be yena moja-bohwa yo a swanetšego wa dikholofetšo tšeo tša Modimo? O be a tla swanela ke go ba morwa wa gagwe wa kgonthe.—Luka 3:​23-34.

Morongwa wa Jehofa o ile a tšwelela go Maria kgarebe, a re: “Se thšoxê, Maria. O hweditše xo xauxêlwa ke Modimo. Tseba; O tlo ima mmeleng wa xaxo, wa tlo bêlêxa morwa wa tlo mo rêa leina la Jesu.” (Luka 1:​30, 31) Go nyakega gore lee le nontšhwe gore motho a ime. Go bonala Jehofa Modimo a ile a dira gore lee leo le lego ka popelong ya Maria le nontšhwe, a dira se ka go fetišetša bophelo bja Morwa wa gagwe yo a tswetšwego a nnoši go tšwa lefelong la moya go tla lefaseng.Ba-Galatia 4:4.Na ngwana yo a imilwego ka tsela ye ke mosadi yo a sa phethagalago e ka ba yo a phethagetšego gomme a lokologa sebeng ka mmele wa gagwe wa nama? Melao ya leabela e šoma bjang ge go e-na le momagano ya phethagalo le go se phethagale? Gopola gore moya o mokgethwa o ile wa šomišwa go fetišetša matla a bophelo bjo bo phethagetšego bja Morwa wa Modimo le go bakela go ima. Se se ile sa phumola go se phethagale le ge e le gofe moo go bego go le gona ka leeng la Maria, ka go rialo sa tšweletša sebopego sa leabela seo se phethagetšego go tloga mathomong.

Go sa šetšwe tsela yeo lee la Maria le ilego la nontšhwa ka yona, re ka kgodišega gore go šoma ga moya o mokgethwa wa Modimo ka nako yeo go ile gwa kgonthišetša go atlega ga morero wa Modimo. Morongwa Gabariele o ile a hlalosetša Maria gore: “Môya-mokxêthwa ó tlo theoxêla xo wene ’me matla a Yo-xodimo-dimo a tlo Xo okamêla wa moriti; ké ka ’baka leo e a tl’o xo bêlêxwa ke wene à tl’o xo bitšwa Morwa-Modimo.” (Luka 1:​35) Ee, ka mo go bonalago ka gona, moya o mokgethwa wa Modimo o ile wa dira lepheko la tšhireletšo e le gore go se be le go se phethagale goba gore matla a kwešago bohloko a se šilafatše lesea leo le golago boimaneng go ya pele.

Ka mo go kwalago, Jesu o be a hweditše bophelo bja gagwe bjo bo phethagetšego e le motho go Tatagwe wa legodimong, e sego go motho le ge e le ofe. Jehofa o mo ‘thakgetše mmele,’ gomme Jesugo tloga go ingweng go ya peleka kgonthe o be a ‘se na bosodi, a sa etše badira-dibe.’—Ba-Hebere 7:​26; 10:5.

[Seswantšho go letlakala 19]

“O tlo ima mmeleng wa xaxo wa tlo bêlêxa morwa”