Tiragalo e Bohlokwa Kudu Historing

E BE e le lehu la Jesu Kriste. Ke ka baka la’ng e be e le la bohlokwa gakaakaa? Ka baka la mabaka a mmalwa.

Go botega ga Jesu go fihla lehung go bontšhitše gore batho ba ka kgona go kgomarela potego ya bona go Modimo.

Lehu la Kriste le neile sebaka bakeng sa ba bangwe gore e tle e be babuši-gotee le yena legodimong. Gape le ile la bula tsela bakeng sa ba bangwe ba bantši gore ba thabele bophelo bjo bo sa felego lefaseng la paradeise.

Bošegong bja pele ga ge a e-⁠hwa, Jesu o ile a šomiša senkgwa seo se sa omelwago le beine e khwibidu e le diswantšhetšo tša sehlabelo sa gagwe se lerato e le motho. O boditše barutiwa ba gagwe gore: “Dirang byalo xore e bê xo nkxopola.” (Luka 22:​19) Na o tla gopola tiragalo ye e bohlokwa?

Dihlatse tša Jehofa di go laletša ka borutho gore o be gotee le tšona bakeng sa go gopola Segopotšo sa lehu la Jesu. Lenyaga letšatši la segopotšo le tla ba ka Labone, March 28, ka morago ga ge letšatši le sobetše. O ka kopanela Holong ya Mmušo ya kgaufsi le legae la gago. Hle ikopanye le Dihlatse tša Jehofa tša lefelong la geno bakeng sa nako le lefelo tše di nepagetšego.