Mohuta o Phagametšego Yohle wa Lerato

MABAKENG a mantši kudu ka Mangwalong a Bakriste a Segerika goba ka Testamenteng e Mpsha, lentšu “lerato” ke phetolelo ya lentšu la Segerika e lego a·gaʹpe.

Ge e hlalosa seo se bolelwago ke polelwana yeo, puku ya ditšhupetšo ya Insight on the Scriptures * e re: “[A·gaʹpe] ga se maikwelo ao a fo go thewa kgokaganong ya motho ka noši go etša ge go naganwa bjalo gantši, eupša ke lerato la tša boitshwaro goba tša leago leo le theilwego boikemišetšong bja go dumela ka go rata e le ka baka la molao wa motheo, boikarabelo le tshwanelo, go nyaka botho bja motho yo mongwe ka go dumelelana le se se lokilego. A·gaʹpe (lerato) e fenya tlhoyano, gomme le ka mohla ga e e dumelele gore e dire gore motho a lahle melao ya motheo e swanetšego goba a itefeletše ka tsela le ge e le efe.”

Le gona A·gaʹpe e ka akaretša maikwelo a tseneletšego. Moapostola Petro o ile a eletša ka gore: ‘Le be le leratano [a·gaʹpe] le tletšego.’ (1 Petro 4:⁠8) Ka gona, go ka bolelwa gore a·gaʹpe e akaretša pelo gotee le monagano. Ke ka baka la’ng o sa naganišiše ka mangwalo ao a bontšhago matla le bogolo bja mohuta wo o phagametšego yohle wa lerato? Ditšhupetšo tše di latelago e ka ba tše thušago: Mateo 5:​43-47; Johane 15:​12, 13; Ba-Roma 13:​8-10; Ba-Efeso 5:​2, 25, 28; 1 Johane 3:​15-18; 4:​16-21.

[Mengwalo ya ka tlase]