Letšatši Leo Le Swanetšego Go Gopolwa

MANTŠIBOENG a pele ga ge a e-hwa, Jesu Kriste o ile a fetišetša senkgwa se se sa omelwago le senwelo sa beine e khwibidu go baapostola ba gagwe gomme a ba laela gore ba je le go nwa. Le gona o ile a ba botša gore: “Dirang byalo xore e bê xo nkxopola.”—Luka 22:19.

Lenyaga letšatši la segopotšo sa tiragalo ye le wela go Sontaga, April 4, ka morago ga ge letšatši le sobetše. Dihlatse tša Jehofa lefaseng ka bophara di tla be di bokane bošegong bjo bakeng sa go bina tiragalo ye ya Segopotšo ka tsela yeo Jesu a laetšego ka yona. O laletšwa ka borutho kudu gore o tle o be le tšona. Hle botšiša Dihlatse tša Jehofa tša lefelong la geno nako le lefelo tše di nepagetšego tša seboka se se se kgethegilego.