Tiragalo ye e Swanetšego go Gopolwa

TIRAGALO ye ke efe? Ke ya lehu la motho yo a ilego a hwa mo e ka bago nywaga e 2 000 e fetilego. O itše: “Ke xafa bophelô bya-ka, ke tlê ke boêlê ke bo tšeê. Xa xo e a nkamoxaxo bophelô bya-ka; ké Nna mong ke bo xafaxo.” (Johane 10:17, 18) Motho yoo e be e le Jesu Kriste.

Jesu o ile a laela balatedi ba gagwe gore ba bine Segopotšo sa lehu la gagwe la sehlabelo. Tiragalo ye e bitšwa gape gore ke ‘sejo sa Morena sa mantšiboa’ goba “Selalelo sa Morena.” (1 Ba-Korinthe 11:20) Segopotšo seo Jesu a se hlomilego sa go gopola lehu la gagwe se tla binwa ke Dihlatse tša Jehofa le bagwera ba tšona ka Labone, March 24, 2005, ka morago ga ge letšatši le sobetše.

Polelo ye e theilwego Beibeleng e tla hlalosa seo se bolelwago ke senkgwa se se se nago komelo le beine e khwibidu tšeo di tlago go dirišwa tiragalong yeo. (Mateo 26:26-28) Polelo e tla araba gape le dipotšišo tša go swana le tše: Bakriste ba swanetše go gopola tiragalo ye gakae? Ke bomang bao ba swanelegago go ja diswantšhetšo tša senkgwa le beine? Lehu la Jesu le hola bomang? Tiragalo ye ya bohlokwa e tla thuša bohle gore ba kwešiše mohola wa bophelo bja Jesu le lehu la gagwe.

O tla amogelwa ka borutho Segopotšong se sa lehu la Jesu. Hle botšiša Dihlatse tša Jehofa tša lefelong la geno mabapi le lefelo le le nepagetšego la seboka le nako.