Sehlare sa Ngwaga o Mofsa—Na ke sa Setšo sa Russia Goba ke sa Bokriste?

“NYWAGENG ya mathomo ya bo-1830 sehlare sa mohlaka-motala se be se dutše se bitšwa gore ke ‘kgopolo e gogelago ya Jeremane.’ Mafelelong a ngwaga-some woo, se ile sa ‘tlwaelwa kudu’ ka malapeng a badudi bao ba tsebegago ba St.Petersburg. . . . Lekgolong la bo-19 la nywaga, ke feela ka malapeng a baruti le balemi ba go se rutege moo se bego se sa tlwaelwa. . . . 

“Pele ga moo, sehlare seo . . . se be se sa ratege. Go ya ka setšo sa Russia, go tsebja ga sona e le seka sa lehu le go tswalanywa ga sona le ‘meoya,’ gotee le setlwaedi sa go bewa ga sehlare se ditlhakeng tša dintlo tšeo go rekišetšwago bjala, go be go fapana kudu le phetogo ya megopolo yeo e bego e direga bogareng bja lekgolo la bo-19 la nywaga. . . . Ke mo go kwešišegago gore ge se be se dutše se tlwaelwa, setšo seo sa dinaga dišele se be se tla lebelelwa go swana le sehlare sa Keresemose ka Bodikela, e lego go tswalanywa ga sona le Keresemose. . . . 

“Go kgokaganya sehlare seo le metlwae ya Bokriste ga se go be bonolo kua Russia. Go ile gwa ganetšwa ke Kereke ya Orthodox. Baruti ba be ba lebelela monyanya woo o mofsa e le ‘tiro ya botemona,’ wo o thomilwego ke baheitene, woo le ganyenyane o bego o sa sepedišane le matswalo a Mophološi, go feta moo, e le motlwae wo o thomilego dinageng tša ka Bodikela.”—Moprofesara Yelena V. Dushechkina, setsebi sa dingwalwa Yunibesithing ya St. Petersburg State.

[Mothopo wa Seswantšho go letlakala 32]

Photograph: Nikolai Rakhmanov