O Laletšwa go ba Gona Polelong e Kgethegilego

O ka Ikwa o Sireletšegile lefaseng le leo le Ttletšego Mathata!

Polelo ye yeo e theilwego Beibeleng e tla newa dinageng tše fetago 230 lefaseng ka bophara. Mafelong a mantši, polelo ye e tla newa ka Sontaga sa, April 15, 2007. Ke’ng seo o tlago go ithuta sona? Ka mohlala, ela hloko dipotšišo tše di latelago:

Ke’ng seo se dirilego gore batho ba dimilione tše dikete lefaseng ka bophara ba ikwe ba sa šireletšega?

Ge e le gabotse, maikwelo a tšhireletšego a fedile neng?

Tšhireletšego ya kgonthe e ka hwetšwa kae le gona bjang?

Hwetša dikarabo ka go ba gona polelong ye e bohlokwa e theilwego Beibeleng, yeo e tlago go newa mafelong a dikete tše masome. Mabakeng a mantši, e tla newa Holong ya Mmušo ya Dihlatse tša Jehofa. Dihlatse tša lefelong la geno di tla thabela go go botša nako le aterese. Re go laletša ka borutho gore o be gona polelong ye yeo e lego nakong le e kgothatšago e theilwego Beibeleng.