Ngwanenyana yo a Nago le Seatla se se Bulegilego

MORAGO bjale, ngwanenyana wa nywaga e senyane wa kua Brazil ka go ithatela o ile a arola tšhelete yeo a bego a e bolokile ka diripa tše pedi —diranta tše 150 le diranta tše 210. O ile a tsenya diranta tše 150 ka lepokising la meneelo Holong ya Mmušo phuthegong ya gabo bakeng sa go thuša go lefelela ditshenyagalelo tša phuthego. Ke moka, o ile a romela diranta tše 210 ofising ya lekala ya Dihlatse tša Jehofa gotee le lengwalo le lenyenyane. Lengwalo la gagwe le be le re: “Ke nyaka go neela ka tšhelete ye bakeng sa modiro wa lefase ka bophara. Kganyogo ya-ka ke go thuša bana babo rena le dikgaetšedi ba bantši lefaseng ka bophara go bolela ditaba tše dibotse. Ke e ntšha e le moneelo wa go bontšha gore ke rata Jehofa kudu.”

Batswadi ba ngwanenyana yo yo monyenyane ba mo rutile bohlokwa bja go tšea karolo modirong wa go bolela ka Mmušo. Le gona, ba ile ba mo thuša go kwešiša bohlokwa bja go ‘loba Jehofa ka khumo ya gagwe.’ (Die. 3:9) Go swana le ngwanenyana yo yo monyenyane, eka ka moka ga rena re ka tšea karolo ka mafolofolo go tšwetšeng pele dikgahlego tša Mmušo nageng ya ga borena le lefaseng ka bophara!