Letšatši le Bohlokwa Kudu Historing

Ke letšatši leo Jesu Kriste a hwilego ka lona. Ke ka baka la’ng lehu la Jesu le be le le bohlokwa gakaakaa? Ka baka la mabaka a mmalwa.

Go botega ga Jesu go fihla lehung go hlatsetše gore motho a ka dula a botegela Modimo.

Le gona lehu la Kriste le butše sebaka bakeng sa batho ba bangwe gore e be babuši gotee le yena legodimong. Go oketša moo, le butše tsela go ba bantši ba oketšegilego bakeng sa go thabela bophelo bjo bo sa felego lefaseng la paradeise.

Mantšiboeng a pele a e-hwa, Jesu o dirišitše senkgwa se se sa omelwago le beine e hwibidu e le diswantšhetšo tša sehlabelo sa gagwe sa lerato e le motho. Gomme o boditše barutiwa ba gagwe gore: “Dulang le dira se e le go nkgopola.” (Luka 22:19) Na o tla gopola tiragalo ye e bohlokwa?

Dihlatse tša Jehofa di go laletša ka borutho gore o be gona ge di gopola lehu la Jesu. Lenyaga letšatši la segopotšo le ka Labone, April 9, ka morago ga ge letšatši le sobetše. O ka ya Holong ya Mmušo ya kgaufsi le ga geno. Hle botšiša Dihlatse tša Jehofa tša lefelong la geno mabapi le nako le lefelo.