Jesu o Hwetše ba Bantši

Jesu Kriste o boditše balatedi ba gagwe gore lefaseng ga se “a se a tlela go direlwa, eupša [o] tletše go direla le go nea moya wa gagwe gore e be topollo bakeng sa ba bantši.” (Mateo 20:28) O ile a gafa bophelo bja gagwe ka go rata bakeng sa go hola ba bangwe.

Jesu o lefile topollo bjang ka lehu la gagwe? Ke ka baka la’ng se se be se nyakega? Jesu o gafile bophelo bja gagwe bakeng sa bomang? Le gona, lehu la gagwe le ka bolela’ng go wena?

Dihlatse tša Jehofa di go laletša ka borutho gore o be gona ge di tla be di hlahloba dikarabo tše tšwago Beibeleng tša dipotšišo tše. Lenyaga, segopotšo sa lehu la Jesu se tla ba ka Labobedi, March 30, ka morago ga ge letšatši le sobetše. Nakong yeo, go tla newa dikarabo tše tšwago ka Mangwalong tša dipotšišo tšeo di botšišitšwego ka mo godimo.

O ka ya Holong ya Mmušo e lego kgaufsi le ga geno. Hle botšiša Dihlatse tša Jehofa tša lefelong la geno mabapi le nako le lefelo.