Polelo ya Phatlalatša e Kgethegileg

Khutšo ya Kgonthe le Polokego​—Di tla tla Neng?

Ka nywaga e dikete, batho ba be ba nyaka khutšo ya kgonthe le polokego. Eupša ba paletšwe ke go hwetša khutšo ya kgonthe le polokego. Ka baka la’ng? Beibele e nea mabaka a mabedi a motheo ao a bontšhago seo se dirilego gore batho ba palelwe ke go hwetša khutšo. Le gona e na le kgonthišetšo ye e rego: Modimo o holofeditše batho lefaseng ka bophara khutšo ya kgonthe le polokego.

Khutšo le polokego tše di tla tla neng? Ke’ng seo o swanetšego go se dira gore o tle o thabele maemo a ao a šegofaditšwego? Dipotšišo tše di tla arabja polelong ya phatlalatša e nago le sehlogo se se rego “Khutšo ya Kgonthe le Polokego—Di tla tla Neng?” Polelo ye yeo e theilwego Beibeleng e tla newa lefaseng ka bophara dinageng tše di fetago tše 230. Mafelong a mantši, e tla be e newa Holong ya Mmušo ya Dihlatse tša Jehofa ka Sontaga, April 18, 2010. Dihlatse tša lefelong la geno di tla thabela go go botša nako le aterese. Re go laletša ka borutho gore o be gona polelong ye.