Bakeng Sa Bafsa

Molephera o a Fodišwa!

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. E-kwa mantšu. Ikwe kamoo baanegwa-thwadi ba ikwago ka gona. Dira gore taba e phele.

Baanegwa-thwadi: Naamane, Eliša le ngwanenyana wa Moisiraele yoo a sa bitšwego ka leina

Kakaretšo: Molaodi wa madira wa Mosiria e lego Naamane o fodišwa bolwetši bjo bo šiišago ka morago ga gore ngwanenyana wa Moisiraele a šišinye gore a ye go bona Eliša.

1 SEKA-SEKA TIRAGALO YE.—BALA 2 DIKXOŠI 5:1-19.

Ngwanenyana wa Moisiraele o ile a swanelwa ke go lebeletšana le maikwelo afe, ka ge a ile a thopša lapeng la gabo leo le bego le boifa Modimo?

․․․․․

Ke kgakanego efe yeo o e lemogago go Naamane—monna wa mogale yo a nago le bolwetši bjo bo fokodišago?

․․․․․

Ke maikwelo afe ao o a lemogago poledišanong ya Naamane le bahlanka ba gagwe go ditemana 11 go ya go 13??

․․․․․

O lemoga phetogo efe boemong bja kgopolo bja Naamane go tloga go temana 15??

․․․․․

2 NYAKIŠIŠA.

Ke dilo dife tšeo di ka bago di dirile gore Naamane a ikgantšhe? (Bala gape temana 1.)

․․․․․

O diriša dilo tšeo o nago le tšona tša go dira nyakišišo, nyakišiša ka bolwetši bja lephera bja mehleng ya Beibele. * (Ka mohlala, bolwetši bjo bo be le kotsi gakaakaang? Na bo be bo fetela? Go be go swaraganwa bjang le bjona?)

․․․․․

 O nagana gore phodišo ya Naamane e bile le mafelelo afe go ngwanenyana wa Moisiraele?

․․․․․

Karabelo ya Eliša e ka ba e ile ya leka Naamane ka tsela efe? (Bona temana 10.)

․․․․․

3 DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Dikotsi tša boikgantšho.

․․․․․

Go ba le sebete sa go bolela ka ditumelo tša gago.

․․․․․

Matla a Jehofa a go fodiša bolwetši.

․․․․․

4 KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․

GE E BA O SE NA BEIBELE, E KGOPELE GO DIHLATSE TŠA JEHOFA, GOBA O BALE DIKGATIŠO TŠE DINGWE TŠE THEILWEGO BEIBELENG GO www.watchtower.org

[Mongwalo wa tlase]