Jesu o ‘Tloša Sebe sa Lefase’

Johane Mokolobetši o ile a bolela gore Jesu o ‘tloša sebe sa lefase.’ (Johane 1:29) Se se ile sa dira gore go lebišwe tlhokomelo karolong yeo Jesu a e phethago go phološa batho ba kwago.

Lega go le bjalo, ke ka baka la’ng Jesu a ile a hwa bakeng sa go phološa badiradibe?

Ke’ng seo a ilego a se fihlelela ka go gafa bophelo bja gagwe ka go rata?

Ke bomang bao ba holwago ke lehu la gagwe?

Ke’ng seo le ka se bolelago go wena?

Ngwaga o mongwe le o mongwe, Dihlatse tša Jehofa di bokana bakeng sa go gopola lehu la Jesu letšatšing leo a hwilego ka lona. Lenyaga, letšatši leo le ka Sontaga, April 17, ka morago ga ge letšatši le sobetše.

Dihlatse tša Jehofa di go laletša ka borutho gore o be gona ge di tla be di hlahloba bohlokwa bja lehu la Jesu. Go tla ahlaahlwa dikarabo tše di tšwago ka Beibeleng tša dipotšišo tšeo di lego ka mo godimo.

O ka ya lefelong leo le lego kgaufsi le gageno. Hle botšiša Dihlatse tša Jehofa tša lefelong la geno mabapi le nako le lefelo.