Bakeng sa Bafsa

Kamoo o ka Ganetšago Teko

JOSEFA—KAROLO 1

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. Ekwa mantšu. Ikwe kamoo baanegwathwadi ba ikwago ka gona. Dira gore taba e phele.

Baanegwathwadi: Josefa le mosadi wa Potifara

Kakaretšo: Josefa o gana teko ya go robala le mosadi wa Potifara.

1 SEKASEKA TIRAGALO YE.—BALA GENESI 39:1-12.

Hlalosa bogolo le bobotse bja ntlo ya Potifara go ya kamoo o e naganago ka gona.

․․․․․

O nagana gore ponagalo ya Josefa e be e le bjang? (Go go thuša go hwetša karabo: Bala gape temana ya 6.)

․․․․․

O nagana gore segalo sa lentšu la Josefa se be se le bjang ge a be a bolela le mosadi wa Potifara go temana ya 8 le ya 9?

․․․․․

2 NYAKIŠIŠA.

Ke’ng seo nkabego se ile sa dira gore Josefa a kwanantšhe ditekanyetšo tša gagwe tša boitshwaro? (Go go thuša go hwetša karabo: Bala Bafilipi 2:12 gomme o nagane ka maemo a Josefa. Ka mohlala, ditho tša lapa la gabo Josefa le barapedigotee le yena ba Jehofa ba be ba le kae ka nako yeo?)

․․․․․

O nagana gore ke ka baka la’ng Josefa a ile a bona gore go dira bohlotlolo e be e tla ba go direla Modimo sebe mola e le gore ka nako yeo go be go se na molao o tšwago go Modimo wo o iletšago bohlotlolo? (Go go thuša go hwetša karabo: Bala o be o naganišiše ka mangwalo a latelago: Genesi 2:24; 12:17, 18; Baroma 2:14, 15 le Baheberu 5:14.)

․․․․․

  3 DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Tswalano magareng ga boitshwaro le seriti.

․․․․․

Mehola yeo e tlelago bao ba kgomarelago ditekanyetšo tša Modimo tša boitshwaro.

․․․․․

Go nyakega ga gore o tlwaetše ‘matla a gago a go hlatha.’ (Baheberu 5:14)

․․․․․

DINTLHA TŠE OKETŠEGILEGO TŠE O KA DI DIRIŠAGO.

Ke boemong goba maemong afe a bophelo moo o ka emago o tiile kutšwanyana ge go tliwa tabeng ya go ganetša teko ya go ba le thobalano? (Go go thuša go hwetša karabo: Bala o be o naganišiše ka mangwalo a latelago: Jobo 31:1; Psalme 119:37; Baefeso 5:3, 4.)

․․․․․

4 KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․

Ge e ba o se na Beibele, e kgopele go Dihlatse tša Jehofa, goba o bale dikgatišo tše dingwe tše theilwego Beibeleng go www.watchtower.org