O Nagana Eng ge go Bolelwa ka Jesu?

Na o nagana ka Jesu e le lesea, e le motho yo a hwago goba e le Kgoši?

Beibele e utolla gore Jesu ke Kgoši e matla. Eupša seo se bolela’ng go wena?

Ba bantši ba dumela gore Jesu o ba hwetše. Lega go le bjalo, go tla bjang gore lehu la monna o tee yo a hwilego nywaga e ka bago e 2 000 e fetilego le nee ba bangwe kholofelo ya go phela lehono?

O laletšwa ka borutho go tlo kwa dikarabo tša Mangwalo tša dipotšišo tše. Tsebišo ye e tla hlahlobja ge Dihlatse tša Jehofa di kgobokana go tlo gopola lehu la Jesu. Lenyaga, letšatši leo le ka Labone, April 5, ka morago ga ge letšatši le sobetše.

Hle botšiša Dihlatse tša Jehofa tša lefelong la geno mabapi le nako le lefelo.

Mafelobekeng a ka morago ga go gopola lehu la Jesu, Dihlatse tša Jehofa di tla ba le polelo e kgahlišago ya Beibele e nago le sehlogo se se rego: “Na Bofelo bo sa le Kgole?” Polelo ye e tla ba e nngwe ya dilo tše di kgahlišago ka maiteko a lefase ka bophara a go fihlelela bohle bao ba ratago therešo gomme ba nyaka go ithuta ka mo go oketšegilego ka Jesu. O laletšwa go ba gona.